Күйеусіз той: Жапонияда жаңа тренд пайда болды
Жапониядағы жас қыздар арасында жаңа дәстүр пайда болды. Жаңа тренд бойынша қалыңдықтар жалғыз адамдық той ұйымдастырып, өзіне өзі тұрмысқа шығады. Бұл туралы Stan.kz ақпарат агенттігі South China Morning Post басылымына сілтеме жасап хабарлайды.
Фото: Shutterstock
Мұндай үйлену тойларының дәстүрлі тойлардан айырмашылығы - күйеу жігіттің жоқтығы. Жалғыз үйлену тойларының көмегімен кейбірі той көйлегін киіп, өзін қалыңдық сезінгісі келеді. Ал басқалары жеке өміріндегі маңызды сәтті ерекше атап өтіп жатыр.
"Қыздардың өздері сақинаны саусағына тағып, өзін құрметтеуге, жақсы көруге және өзін бақытты етуге ант береді. "Өзіңе өзің тұрмысқа шық, мен еркекке күйеуге шыққым келмейді", - дейді жалғызбасты қалыңдықтар.
Мұндай тойларды тек бойдақтар ғана емес, тұрмыс құрған әйелдер де ұйымдастырады. Сонымен, 2018 жылы 47 жастағы жапондық әйел өзіне үйленген. Әйел өзін қайтадан қалыңдық ретінде сезінгісі келіп, осылайша өмірінің жаңа тарауына кірісіп, өзінің өткен өмірімен символикалық түрде қош айтысқысы келген.
Жапонияда дәстүрлі үйлену тойларының саны айтарлықтай қысқарған. Өткен жылы некеге тұрудың ең төменгі деңгейі тіркеліп, 500 мыңнан аз жұп қарым-қатынастарын заңдастыруға шешім қабылдаған.