Нұрлыбекова 2020 жылдан бері осы ЖШС құрылтайшыларының бірі болған. Алайда 2024 жылдың ақпан айында Салтанат Нүкенованың өліміне қатысты тергеу қызған шақта өз үлесін туысы Қарлығаш Әділоваға берген. Қазір "Sapa Logistics" ЖШС-нің үш иесі бар – Нұрлыбекова, Әділова және 2018 жылдан бері осы компанияның директоры қызметін атқарып келе жатқан Арман Досмағамбетов.

Sapa Logistics – Бишімбаевтар отбасы мүшелерін байланыстырған ең ірі компания. 2015 жылдан бастап 900 миллион теңгеден астам салықты сақтаумен айналысады. Нүкенованың өліміне қатысты іс бойынша бірінші сот отырысында Қуандық Бишімбаевтың өзі Sapa Logistics-те кеңесші қызметін атқаратынын айтқан еді.

Сайттағы мәліметтерге қарағанда, ЖШС клиенттері арасында Coca-Cola, Herbalife, Pony Express, Schneider Electric, Sultan және т.б. ірі компаниялар бар.

Альмира Нұрлыбекованың тағы да қандай активтері бар

Тергеу мен ұлына қатысты сот процесі жүріп жатқанда, Нұрлыбекова тек Sapa Logistics компаниясынан құтылып қана қойған жоқ.

14 наурызда ол "Ezy Park" ЖШС құрылтайшылығынан кетті (жалға алынған жылжымайтын мүлікті жалға беру және пайдаланумен айналысады). Дәл осы серіктестік Салтанат Нүкенованың өлімі болған Bau мейрамханасының иелігінде. Компания 2020 жылдан бері Бишімбаевтың анасының активтерінің қатарында болды. Қазір Азамат Ахметжанов, Сержан Мәдиев, Қайрат Мәлік, Ғалима Шахановаға тиесілі.

2024 жылдың сәуір айында Альмира Нұрлыбекова өзі басқарған ауыл шаруашылығы "Наубет-II" ЖШС құрылтайшыларынан шықты. Айтпақшы бұл компания бір кездері Нұрлыбекованың қайын атасы Қозыке Бишімбаевқа тиесілі болған. Осылайша, қазір Нұрлыбекова құжаттарға сәйкес, Sapa Logistics-тен басқа тағы үш компанияның иесі немесе ортақ иесі саналады. Олар:

Сот экс-министр Қуандық Бишімбаевқа үкім шығарды

"Бишімбаев 68 жасында түрмеден шығады": Марқұм Салтанат Нүкенованың әкесі мен ағасы сот үкіміне қатысты пікір білдірді (видео)

Шымкент қаласындағы "Техникалық лицей" жеке мекемесі. Салықтар – 2015 жылдан бастап 258,7 миллион теңге болған. Ондағы жалғыз құрылтайшы Бишімбаевтың анасы;
ЖК "Alawwal Partners LTD" – Астана қаласында әртүрлі қаржылық қызметтерді көрсетеді. Салықтар – 2021 жылдан бастап 5,9 миллион теңге болған. Құрылтайшылары – Сержан Мәдиев пен Қаныш Төлеушин;
Астанадағы "Success ABN" ЖШС – құрылыс жобаларын әзірлеумен айналысады. Салықтар – 2021 жылдан бастап 3,7 миллион болған. Құрылтайшылар – Нүкенованы өлтіру ісі бойынша қылмысты жасырғаны үшін 4 жылға сотталған Бақытжан Байжанов пен Нұрлан Жасұзақов.

Бишімбаевтардың мүлкі тексеріле ме

Сәуір айында Тоқаевтың атына "Қуандық Бишімбаевтың отбасы мүшелері мен туыстарының мүліктік жағдайы мен мүлкінің шығу тегіне тәуелсіз тексеру жүргізу" туралы онлайн петиция жарияланды. Оның авторы – заңгер Вадим Курамшин. Петиция cәуір айының соңына дейін 50 мыңнан астам қол жинады.

Автор анасы мен інілері – Байжанов пен Сұлтан Нұрлыбектің қаржысына баса назар аударуды, негізсіз кірістер анықталса, тәркілеуді қоса алғанда, шара қолдануға шақырды. Мамыр айында Қаржылық тәртіп жөніндегі уәкілетті орган петицияда көтерілген мәселелерді қарастыруға уәде берді. Одан кейін Қаржы мониторингі агенттігі бастығының орынбасары Жеңіс Елемесов департаментте Бишімбаевтар отбасына қатысты іс тіркелмегенін, бірақ тексеру жұмыстары жүргізіліп жатқанын айтты. Заңсыз активтер анықталса, олардың иелері жауапқа тартылады деп уәде берді.

Айта кетейік, бұған дейін Қуандық Бишімбаевтың анасы Альмира Нұрлыбекова Нүкенова өлтірілген гастроорталық құрылтайшыларының құрамынан шыққаны туралы жазған едік.

Талқылау