Кремль Пригожиннің өліміне Путиннің қатысы бар деген айыпқа жауап берді
Ресей президентінің баспасөз хатшысы Дмитрий Песков "Вагнер" жеке әскери компаниясының негізін қалаушы Евгений Пригожиннің өліміне Путиннің қатысы бар деген айыптарға жауап берді. Бұл туралы Stan.kz ақпарат агенттігі хабарлайды.
23 тамыз күні кешке Тверь облысында "Вагнер" жеке әскери компаниясының өкілдері мінген ұшақ апатқа ұшыраған болатын. Көпшілігі Пригожиннің өліміне Ресей президентін кінәлауда. Ал тағылған айыпты Песков "жала" деп атады.
Оның айтуынша, әзірге ұшақ апатына қатысты нақты дерек жоқ.
"Бұл жерде, мәселені тек фактілерге негіздеу қажет. Әзірге нақты дерек жоқ. Ол қазіргі уақытта жүргізіліп жатқан тергеу әрекеттері барысында нақтыланады. Кеше осы тақырыпта сөз қозғаған президент тергеудің жақын арада аяқталатын, нәтижелерін күтіп отырғанын жеткізген еді. Тергеудің ресми қорытындысы жарияланады", - деді.
Сондай-ақ ол Владимир Путиннің соңғы кездері Евгений Пригожинмен кездеспегенін айтты.
"5 жастағы баланы даярлық сыныбына да, балабақшаға да алмайды": Қазақстандық ата-ана білім беру жүйесіндегі қайшылыққа наразы
Ата-ана: "Балабақша қалдырмайды, даярлық сынып қабылдамайды"
"Топыраққа көміп, үстіне хлор төккен": Алматы облысында көз жұмған жігіттің жақындары оның өлімінің мән-жайын айтты
Марқұмның қазасы оның жақындары мен достарына ауыр соққы болған