"Қоштасу видеосын жазған": Ләйлә Сұлтанқызы ұлының қиын жағдайда қалған сәтін есіне алды

Белгілі журналист Ләйлә Сұлтанқызы сапарға кеткен ұлының жағдайына алаңдап қалғанын айтты. Бұл туралы Stan.kz ақпарат агенттігі хабарлайды. 

Фото: https://www.instagram.com/sultankyzy/

Медиа маманының ұлы Астанаға жете алмай, Түркістанға кетіп қалған. 

“Кеше ұлым Дишинка апамен бірге сағат 1-де Астанадан Алматыға ұшуы керек еді. Scat рейсі қайта-қайта кейінге шегерілді. Қандай да бір себептерге байланысты шығар, білмеймін. Сосын балам FlyАrystan ұшағына отырып, кешке қонуы керек еді. 19.00-ден бастап балама хабарласамын, телефоны өшірулі. Кеш болды, бір уақытта, 21.00-ге таман ғой деймін, баламнан хабарлама келіп тұр: "Анашым, біз Түркістанға қондық. Алматының ауа райына байланысты. FlyАrystan шұғыл Түркістанға қарай ұшып кетті" деген. Ойбай, енді не болады, 22.00-дегі рейстің күйетіні бар, бұл қалай болады, баланың қорыққаны бар. Екі-үш рет Алматының үстінен айналып, ұшақ қона алмаған. Себебі кеше Алматыда жаңбыр болды, жел болды. Қасында отырған Ерболат Жанабылов тіпті қоштасу видеосын жазған. Оны балам айтқанда тіпті қорықтым. "Анашым, бар білетін 2-3 дұғамды оқыдым. Қайта-қайта оқыдым дейді. Таңертең тұра сала мал садақа, мешітке садақа беріп, Құран оқыттым, апаны шайға шақырдым. Аман болайық!" – деп жазды ол өзінің әлеуметтік желідегі парақшасында. 

• "Бірінші рет емес": Серік Ибрагимов Scat әуе компаниясын сотқа беретінін айтты

• Атырау облысынан бірқатар аймақтарға қосымша 50 рейс ұшатын болды

Айта кетейік, Алматы әуежайы ішкі және сыртқы рейстерін тоқтатып, шоу-бизнес өкілдерін әбігерге салғанын жазған едік.