Соңғы жаңалықтар

Коронавирус: балалардың өмірі үшін қауіпті Кавасаки синдромы анықталды

Британдық отбасылық дәрігерлерге Лондон мен елдің басқа қалаларының жедел жәрдем бөлімшелеріне тұмаудың ерекше симптомдары бар балалардың түсіп жатқаны жайлы хабар жетті, деп хабарлайды Stan.kz ақпарат агенттігі.

Сонымен бірге, кейбір науқастарда, коронавирусқа жасалған анализ оң нәтиже көрсетті.

Балалардың қаншасында осындай реакция көрсеткені әзірге белгісіз, бірақ олардың саны аз болады деп болжанды.

Англиядағы NHS басшысы Стивен Повистің айтуынша, билік балалардың арасында тараған ауыр симптомдардың сирек жағдайлары туралы біледі.

"Бұл туралы хабарламалар соңғы күндері ғана келе бастады, біз мамандарға бұл мәселені жедел зерттеу үшін жүгіндік", - деп сендірді Повис.

NHS-тің жолдауында балалардың коронавирусқа байланысты қабыну синдромы немесе табиғаты әлі анықталмаған басқа инфекция болуы мүмкін деген алаңдаушылықты білдіреді.

Әр түрлі жастағы балалардың барлығы өте ауыр жағдайда. Олардың симптомдары токсикалық шок синдромына ұқсас, ол жоғары температурада, төмен қан қысымында, бөртпе және тыныс алу қиындықтарында байқалады.

Кейбір балаларда сонымен қатар асқазан-ішек ауруының белгілері, құсу және диарея - жүрек бұлшықетінің қабынуы және қан құрамындағы теріс өзгерістерді көрсетеді.

Мамандардың айтуынша, бұл белгілердің барлығы инфекциямен күресуге тырысатын ағзаның шамадан тыс жүктемесімен байқалады дейді.

Терапевтерге ұсыныста мұндай жағдайлардың барлығы шұғыл медициналық көмекке мұқтаж екендігі айтылған.

Сонымен қатар, мамандар балалардың аз бөлігі коронавируспен ауыратынын айтады. Дүние жүзіндегі мәліметтерге сәйкес, осы инфекциядан аз зардап шеккен халықтың санаты балалар.

Кембридждің балалар реанимациясы жөніндегі кеңесшісі, дәрігер Назима Патан Италия мен Испанияның дәрігерлері осы елдердегі балаларда ұқсас белгілер бар екенін айтады.

Кавасаки ауруы

"Кейбір балаларда токсикалық шок пен бөртпе белгілері байқалды, дәл осылай токсикалық шок синдромы немесе Кавасаки ауруы (қан тамырлары мен жүрекке әсер етеді) байқалады", - дейді доктор Патан. "Бірақ балалар инфекцияға жақсы қарсылық көрсетеді. Ауыр коронавирус инфекциясымен және интенсивті терапия бөліміне түскен бала емделушілерінің саны салыстырмалы түрде аз", - дейді дәрігер.

Англияның NHS-де мұндай жағдайлардың 20-дан азы белгілі, алайда бұл синдром мен коронавирус арасындағы байланысты зерттеу жалғасуда.

Корольдік педиатрия және балалар денсаулығы колледжі бұл ата-аналарды сендіруі керек деп санайды, бірақ егер олар қандай да бір себептермен баласының денсаулығына алаңдайтын болса, дереу маманға хабарласуы керек дейді.

NHS ұлттық жүйесінде баланың денсаулығына жауап беретін профессор Саймон Кенни атап өткендей, ата-аналарға кеңес бұрынғыдай болып қалады: егер сіз алаңдасаңыз, дереу арнайы сенім телефонына, отбасылық дәрігерге немесе тікелей жедел жәрдем бөліміне қоңырау шалыңыз.

Негізінде балалар коронавирус жұқтыруы мүмкін, бірақ олардың көпшілігінде ауыр формасы болуы екіталай. 

Алайда, RCPCH жедел жәрдем шақыруды немесе баланы өзіңіз ауруханаға келесі жағдайларда апаруға кеңес береді:

  • Бала бозарып, дақтарға пайда болса және денесі ерекше суық болса;
  • Тыныс алу барысында кідіреді, біркелкі емес тыныс алады немесе дірілдей бастайды;
  • Оның тыныс алуы өте қиын, өзін жайсыз сезінеді немесе есінен танып қалса;
  • Ерні көгерсе;
  • Ұстамалар пайда болса;
  • Ол күйзеліп жүрсе (тоқтаусыз жылау), бағынбаса, шамадан тыс ұйқылы күйде немесе сыртқы ынталандыруларға жауап бермесе;
  • Басқан кезде жоғалып кетпейтін бөртпе болса (мысалы, сіз шыны стақанның қабырғасымен теріге бассаңыз);
  • Тері астындағы ауырсыну болса, әсіресе жасөспірімдерде.

 

Талқылау
Пікір
Қазір оқып жатыр
Çàãðóçêà...
Қазір оқып жатыр