Қызметке орналастыру үшін 1 000 доллар: Абай облысында көші-қон қызметі басқармасының бастығы сотталды
Абай облысында лауазымды қызметке орналастыру үшін 1 000 доллар көлемінде пара алған көші-қон қызметі басқармасының бастығы сотталды. Бұл туралы Stan.kz ақпарат агенттігі хабарлайды.
Фото: СЦК
Дөненбаева Нұрахметованы атқаратын лауазымына тағайындағаны үшін Садықова арқылы 1 000 АҚШ доллары көлемінде пара алған.
“2024 жылдың 8 тамызында Семей қаласының №2 сотымен Абай облысы ПД Көші-қон қызметі басқармасының бастығы Г. Дөненбаеваға, осы басқарманың ерекше тапсырмалар жөніндегі аға инспекторы Р. Садықовқа және Семей қаласы ПБ Көші-қон қызметі бөлімінің инспекторы А. Нұрахметоваға қатысты үкім жарияланды. Дөненбаева 4 жылға, Нұрахметова 3 жылға, Садықов 3 жыл 6 айға бас бостандығынан айырылды”, – делінген хабарламада.
Сотталғандар арнаулы атақтары мен мемлекеттік, квазимемлекеттік сектор субъектілерінде лауазымды қызмет атқару құқығынан айырылды. Үкім заңды күшіне енген жоқ.
Қазақстандық оқушыларға теріс басылған оқулық берілген: Баспа не дейді
Оқу жылы басталып, оқулықтардың жағдайына қатысты шағымдар көбейді
Астанада қыз 10-қабаттан секіріп кеткен: Полиция бейнежазбаларды туыстарына бермей отыр
Астанада 10-қабаттан секірген арудың достары телефонға мүлдем жауап бермейді