"Қызыл" аймақтан "жасыл" аймаққа: Денсаулық сақтау министрлігі өңірлердегі жағдайды түсіндірді

Коронавирус жағдайына байланысты аймақтардың қызылдан жасыл аймаққа өтуін денсаулық сақтау министрлігі түсіндірді, деп хабарлайды Stan.kz ақпарат агенттігі.

Денсаулық сақтау министрлігі санитарлық-эпидемиологиялық бақылау комитетінің төрайымы Айжан Есмағамбетова "қызыл", "сары" және "жасыл" аймақтарға қатысты жағдай күн сайын өзгеретінін айтты.

"Бұл бірнеше параметрге байланысты. R саны, яғни репродуктивтік коэффициент. Бұл сан коронавирусты бір пациенттен қанша адам жұқтыруы мүмкін екенін көрсетеді. Екінші көрсеткіш - 100 мың тұрғынға шаққандағы соңғы жеті күндегі аурушаңдық. Бұл екі индикатор күнделікті бақыланады. Бір аймақтан екінші аймаққа өту күн сайын орын алуы мүмкін", - деді ол.

Оның айтуынша, қазір Шығыс Қазақстан мен Солтүстік Қазақстан облыстары "қызыл" аймақта. Нұр-Сұлтан, Алматы, Қостанай және Павлодар облыстары "сары" аймақта орналасқан. Қалған аймақтар «жасыл» аймақта.

12 қарашада Қазақстанның бас дәрігері Ерлан Қиясов Шығыс Қазақстан, Павлодар, Батыс Қазақстан, Қостанай облыстары коронавирустың таралуы тұрғысынан "қызыл" аймаққа кірді деп хабарлады.

16 қарашада денсаулық сақтау министрлігі "«қызыл" аймақта тек екі аймақ бар екенін хабарлады. Ол Шығыс Қазақстан және Солтүстік Қазақстан облыстары. Павлодар, Ақмола, Қостанай облыстары, Нұр-Сұлтан және Алматы қалалары "сары" орташа тәуекел аймағында.