Алматыда көше ортасында қоғамдық көлік жанып, жарылып кетті
Алматыда жол ортасында қоғамдық көлік өртке оранды. Автобус жүргізушісі өртті өзі сөндіруге тырысқанымен, кейін жалын жарылысқа айналған деп хабарлайды Stan.kz ақпарат агенттігі.
Әкімдік мәліметінше, жүргізуші техникалық ақауды байқаған сәтінен-ақ барлық жолаушыларға нұсқау бойынша ескерту жасап, бірден аялдамадан түсірген.
Кейін ол ақауы бар автобусты автотұраққа жеткізбек болған. Әл-Фараби даңғылының бойымен келе жатып, автобустың қозғалтқыш бөлігінде өрт шыққан. Жүргізуші өрт сөндіргішті пайдаланып, жалынды өз бетімен басуға әрекеттенгенімен біраз уақыттан соң автобуста жарылыс болған.
Төтенше жағдайлар департаментінің қызметкерлері таңғы сағат 8:45-те өртті оқшаулап, 8:50-де өртті толығымен жойды. Мәліметтерге сәйкес, құрбандар мен зардап шеккендер жоқ.
"Айта кетейік, өрт стандартты пайдалану мерзімі аяқталуға жақын қалған LiAZ автобусында орын алған. Автопарктің техникалық жағдайын жоспарлы тексеру кезінде осындай автобустардың көбісі тозған. Осыған байланысты көрсетілетін қызметтердің сапасын және жолаушылардың қауіпсіздігін арттыру мақсатында автопарк олардың орнына жаңа мобильді құрылғыларды сатып алуды жоспарлап отыр", – деп хабарлады әкімдікте.
"Үш сағат істейтінді бізде он минутта бітіреді": Германиядағы қазақ дәрігері сүндеттеу ісінде Қазақстан қалай алға кеткенін айтып берді
