Кенияда қатты су тасқыны салдарынан 35 адам қаза тапты

Біріккен ұлттар ұйымы Кенияда маусымдық жауын-шашын салдарынан 35 адам көз жұмып, тағы 100 мың адам жарақат алғанын мәлімдеді. Бұл туралы Stan.kz ақпарат агенттігі хабарлайды.

Фото: euronewsbulgaria

Бұдан бір күн бұрын елдің астанасы Найроби су астында қалды. Онда жергілікті өзен арнасынан асып кетіп, жүздеген үйді су басқан. Ауыл шаруашылығы жерлері бүлінген. 

Кенияның қызыл крест ұйымы халықты көшкін қаупі туралы ескертті.

Мәліметтерге сүйенсек, қазір аймақта эвакуация жүріп жатыр. Синоптиктердің айтуынша, жаңбырлы маусым мамыр айының соңына дейін жалғасады.

• Қазақстанда су тасқынының екінші толқыны: Тағы 2 жолды су басып қалды

• Халықтың қора-жайын, моншасын салып бермейміз – Өнеркәсіп және құрылыс министрі

Еске салайық, бұған дейін Қытайдың Гуандун провинциясында ірі өзендердің арнасынан асып кетуі су тасқынына әкелуі мүмкін екенін жаздық. Гуандун провинциясындағы (Оңтүстік Қытай) гидрологиялық станциялар бұл провинциядағы 20-дан астам өзен суының арнасынан асу қаупі жоғары екенін хабарлады. 127 миллионнан астам адамның өміріне қауіп төніп тұр.