Санитарлық-эпидемиологиялық бақылау басқармасының басшысына Ресейде анықталған AY.4.2 дельта штаммының жаңа түрі туралы айтып берді. Бекшин дельта штаммының жаңа түрінің қаладағы аурушаңдыққа қалай әсер етуі мүмкін екендігі туралы түсініктеме берді.

"Қазір денсаулық сақтау министрлігі мен Роспотребнадзор AY.4.2 штаммын анықтады, бұл дельта штаммының нұсқаларының бірі, ол 10-15 пайызға агрессивті, вирулентті, жұқпалы. Бұл кәдімгі дельта штаммның ауыр түрі. Бұл жағдайды Ұлыбритания ғалымдары растады.Б ұл вирус Ресей Федерациясында да зертханалық түрде расталды. Бүгінгі таңда еліміздің солтүстік аймақтарында аурушаңдық жоғары. Әсіресе Павлодар, Солтүстік Қазақстан облыстарында", - деді Бекшин.

Алматы қаласының бас санитарлық дәрігері атап өткендей, бұл штамм басқа да облыстарда кең таралуы мүмкін.

"Әрине, 4.2 нұсқасы агрессивті. Бізге "альфа", содан кейін "дельта" штаммы келгенде, жаңа толқындар пайда болды. Қазақстанда бұл штаммның кең таралуы әбден мүмкін. Біз аз уақытта мүмкіндігінше көп халықты вакцинациялауымыз керек. Егер азаматтардың бойында антиденелер болса бұл штамм таралмайды", - деп түйіндеді Бекшин.

Қазан айында британдық ғалымдар AY.4.2 нұсқасы елдегі COVID-19 ауруының көбеюіне себеп болуы мүмкін деген болжам жасады. Содан кейін жаңа нұсқа Ұлыбританиядағы инфекциялардың 10 пайызында тіркелді.

Талқылау