"Қазақтарды шақырғыңыз келе ме": Ресей Курск облысындағы қақтығысқа байланысты ҰҚШҰ-дан көмек сұрамайтынын жеткізді
Ресей Курск облысындағы жағдайға байланысты ҰҚШҰ-дан көмек сұрамайтынын жеткізді. Бұл туралы Stan.kz ақпарат агенттігі "Газета.Ru" порталына сілтеме жасап хабарлайды.
Фото: РИА Новости
Мемлекеттік думаның ТМД істері, еуразиялық интеграция және отандастармен байланыс комитеті төрағасының бірінші орынбасары Константин Затулин көмек сұраудың орынсыз екенін алға тартты.
"Жоқ, болмайды. ҰҚШҰ-дағы басты ел болып табылатын Ресей өз аумағы үшін біреуден көмек сұраса, бұл таңқаларлық жағдай болар еді. Курск облысы үшін Ресейге көмекке кімді тартқыңыз келеді? Қазақтарды шақырғыңыз келе ме, әлде армяндарды ма? Кімдерді? Ақылға қонбайтын сұрақ қоймаңыз", – деді Затулин.
Еске салсақ, Украина 6 тамыз күні Ресейдің Курск облысына басып кірді. Қазір онда үш күннен бері әскери қақтығыстар болып жатыр.
"Бір бие, бір жабағыдан бастадық": 40 жылдан бері жылқы баптап жүрген отбасы қымызмұрындықтың мәнін түсіндірді
Қастерлі Жолдыбалина бала күніндегі қымызмұрындықтың қазіргі мерекеден өзгеше болғанын айтады
"Халыққа құрметсіздік танытты": Танымал қазақстандық бренд "Борат" образын қолданғаны үшін сынға қалды
"Борат" Қазақстан қоғамы үшін бұрыннан даулы әрі сезімтал тақырып