Қазақстанның алты облысында пойыз билеттері арзандады
Қазақстанның алты облысында пойыз билетінің бағасы арзандады. Бұл туралы Stan.kz ақпарат агенттігі хабарлайды.
Фото: yandex.kz
Energyprom.kz сайтының хабарлауынша, 2023 жылдың қазан айында Қазақстанның алты облысында пойыз билеттерінің бағасы 2022 жылдың қазан айымен салыстырғанда арзандаған. Пойызбен Жетісу өңірінің тұрғындары ең қолжетімді бағада саяхат жасаған (-10,4%). Билеттер арзандаған аймақтар тізімінде мыналар да бар:
- Шығыс Қазақстан облысы (-6,7%);
- Атырау облысы (-5,7%);
- Шымкент (-5,1%);
- Алматы облысы (-2,4%);
- Қызылорда облысы (-1%).
Тұтастай алғанда ел бойынша теміржол жолаушылар көлігі қызметтерінің бағасы бір жылда 7,9%-ға өсті. Бірнеше өңірде пойыз билеттері қымбаттады, соның ішінде Маңғыстау облысында (+35,5%), Алматыда (+22%) және Солтүстік Қазақстан облысында (+20,2%).
2023 жылдың қаңтар-қазан аралығында Қазақстан бойынша теміржол көлігімен 16,6 миллион жолаушы тасымалданған. Бұл өткен жылмен салыстырғанда 2,2 пайызға артық. Астана тұрғындары көбінесе пойызбен жүреді (4,6 млн адам, жылына +17,3%).
Айта кетейік, бұған дейін Мәжіліс отырысында депутат Мақсат Толықбайдың еліміздегі пойыздардың жағдайын аянышты деп атап, ескі вагондарда кондиционер жоқтығын, бірақ таракан бар екенін айтқанын жазған едік.
“Партизан болған, 400-ден астам жаралы сарбазды құтқарған”: Екінші дүниежүзілік соғыста ерлік көрсеткен қазақ қыздары кімдер
