Қазақстандық жұлдыздар қандай университетте білім алған?
Танымал жұлдыздардың көп жағдайда мүлдем басқа салада білім алғандарын байқауға болады. Мысалы, Баян Есентаева журналистика саласында білім алып, артынша 7 жыл кәсіби мамандығы бойынша жұмыс істеген. Десе де, ол өзіне продюсер болудың көбірек ұнайтынын айтады. Ал енді бірі қалауларын бірінші орынға шығарып, өнер саласы бойынша кәсіби білім алған. Қазақстандық жұлдыздардың қандай университетте оқып, қай салада білім алғандарын білгілеріңіз келсе, Stan.kz ұсынған төмендегі ақпаратқа зер салыңыз.
Димаш Құдайбергенов
Әнші 2014 жылы Ахмет Жұбанов атындағы Ақтөбе музыкалық колледжіндегі білімін тәмамдап, Қазақ Ұлттық Өнер университетінің «Эстрада Өнері» факультетіне оқуға түскен. Жуырда Димаш Америкаға оқуға кетуі мүмкін.
Әли Оқапов
Әнші Күләш Бәйсейітова атындағы дарынды балаларға арналған республикалық мамандандырылған музыкалық орта-мектеп интернатында білім алған. 2010 жылы Астана қаласындағы Қазақ ұлттық өнер университетіне түскен. Алайда, әнші бір жылдан кейін оңтүстік астанаға қайтып келіп, Темірбек Жүргенов атындағы Қазақ Ұлттық академиясында білім алған.
Әлия Телебарисова
«Жаужүрек мың бала» фильмі арқылы танылған Әлия Телебарисова Нью-йорк кино академиясының Лос-Анджелес қаласындағы филиалында «Актерлік шеберлік» мамандығы бойынша білім алған.
Санжар Мәдиев
Қазақстандық көрермендерге «Елесті аулау», «Шырша-2», «Алқызыл қоян туралы ертегі» фильмдері арқылы танылған Санжар Мәдиев экономика саласында білім алған. Ол Әл-Фараби атындағы Қазақ ұлттық университетінде білім алып жүріп «Экономика және бизнес» факультетінің баскетбол құрамасында үздік өнер көрсеткен. Бірнеше жыл бұрын Америкадан шақырту алып, қысқа мерзімді актерлік шеберлік сабақтарын алып қайтты.
Ернар Айдар
Әнші Қазақ мемлекеттік аграрлық университетінде заңгер мамандығы бойынша білім алған.
Нұртас Адамбай
Абылай хан атындағы Қазақ халықаралық қатынастар және әлем тілдері университетінде «Халықаралық қатынастар» факультетінде білім алып, оқуды қызыл дипломмен тәмамдаған. Ол аталған мамандық бойынша жұмыс істеп үлгерген.
Мақпал Исабекова
Әнші 2002 жылы Абай атындағы Алматы мемлекеттік университетінің «Қаржы және экономика» факультетіне оқуға түскен. Мұнымен қатар, осы жылы әнші SuperStar kz жобасына қатысып, тағдыры түбегейлі өзгерген. 2009 жылы әнші Ресей театр өнері институтына түседі. Яғни Мақпалды кәсіби әнші деп атауымызға болады.
Ділназ Ахмадиева
Әнші үлкен сахнаға небәрі 4 жасында шыққан. Тіпті, осы уақытта «Таңғажайып алма» фильміне түсіп үлгерген-ді. 2002 жылы Қазақ мемлекеттік университетінде аудармашы-референт мамандығы бойынша білім алады.
Айқын Төлепберген
Әнші SuperStar kz жобасынан кейін өнерге кәсіби көзқараспен қарай бастады. Мұнымен қатар, болашақ артист ҚазҰТУ-дың Тау-кен факультетінде білім алған. Артынша Тұран университетінде «қаржыгер» мамандығы бойынша оқыған.
Баян Есентаева
Продюсер Әл-Фараби атындағы Қазақ ұлттық университетінің журналистика факультетінде білім алған. Аталған мамандық бойынша Баян ханым 7 жыл бойы жұмыс істеген.
Қарлығаш Мұхамеджанова
Актриса өнерлі отбасында дүниеге келген. Әкесі Төлеген Мұхамеджанов – әйгілі композитор, анасы Нұржамал Үсенбаева – опера әншісі. Десе де, актриса ата-анасының жолын қуып, музыка саласына бармады. Қазақ мемлекеттік заң академиясында білім алып, артынша магистратураға тапсырған. Магистратурадан кейін АҚШ-та тәжірибе жинақтап қайтады.
Динара Бақтыбаева
Актриса «Қыз бен жігіт» фильмінің түсірілімдері жүріп жатқан кезде, Алматы энергетика және байланыс университетінің «Радиотехника, электроника және телекоммуникация» мамандығына тапсырып үлгерген екен. Бүгінде жас актриса ЖОО қабырғасында білім алып жатыр.
Айгүл Иманбаева
1994 жылы Темірбек Жүргенов атындағы өнер академиясына оқуға түседі. 1998 жылы Жүсіпбек Елебеков атындағы колледжде ұстаздық қызметіне қабылданады. Мұнымен қатар, сол уақыт арасында Ғабит Мүсірепов атындағы академиялық театрға актрисалық қызметіне жұмысқа тұрады.
Әсел Сағатова
Қалың жұртқа алғаш «Рэкитер» фильмі арқылы танылған актриса Әл-Фараби атындағы Қазақ ұлттық университетінің Халықаралық қатынастар факультетіне оқуға түскен. Аталған факультеттегі білімін қызыл дипломмен тәмамдайды. Бірақ, ол мамандығы бойынша жұмыс істемеген. Бүгінде тұрмысқа шығып үлгерген актрисаның Алдияр есімді ұлы бар.
Бүркіт
Әншінің шын есімі – Айбек Сейітов. Ол батылдық танытып, әскерде Отан алдындағы борышын өтеп қайтқан. Артист Президент күзетшілері қызметкерлерінің қатарында болған. Осы қызметінен кейін әнші заңгер мамандығы бойынша білім алған.
Әсел Сәдуақасова
Әншілік және актрисалық қырымен танылып үлгерген Әсел Әл-Фараби атындағы Қазақ ұлттық университетінің журналистика факультетінде білім алған. Оны жұрт «Саранча» телехикаясынан бастап таниды десек те болады. Соңғы кезде тележүргізуші болып жүрген актриса психология саласында білімін шыңдап үлгерген.
Алтынай Жорабаева
Әнші Қожа Аxмет Яссауи атындағы ХҚТУ, өнер факультетіне оқуға түседі. Университетті 1999 жылы бітіріп, аталған университетте 2 жыл мұғалімдік қызмет атқарады.
Дастан Шәкіров
Телехикаялардан жиі бой көрсететін актер Халықаралық бизнес академиясында «Қаржыгер» мамандығы бойынша білім алған. Дастан ағылшын бөлімінде оқыған.
Айсұлу Әзімбаева
Талантты актриса Дубайдағы Америка университетінде білім алған. Ол өзінің өнерге кездейсоқ келгенін айтады.
Гүлнәр Сілбаева
Көп адамның есінде болмаса да, бойжеткен SuperStar kz жобасына қатысқан. Кейін КВН-де өнер көрсеткен. Өзі Қазақстан менеджмент, экономика және болжау институтының «Менеджмент және маркетинг» факультетіне оқуға түскен. Бірақ, оқуын жарты жолдан тастап кеткен.
Жіберіп алмаңыз:
Қызбен сүйісіп тұрған Арынбаевтың ұлы желіні шулатты
КешYou-дің экс-әншісі топтың қазіргі құрамын сынап тастады
Медеу Арынбаевтың ұлы көрікті келбетімен қыздарды ғашық етті (видео)
Баян Есентаева бұрынғы күйеуіне махаббатсыз тұрмысқа шыққанын айтты (видео)