Қазақстандық компания креслодан бас тартып жұмысты тұрып істеуде (фото)
Қазақстандық компанияның бірі күні бойы тұрып жұмыс істемек.
“Былтырғы күзден бастап жұмысты тұрып істейміз. Бұл тәжірибені Жапонияда іс-сапармен жүргенде көрген едік”, – дейді қазақстандық кәсіпкер Айдын Рахымбаев желідегі парақшасында.
“Жапондардың айтуынша, бұл тәжірибе нәтижелі жұмыс істеуге кепіл. Ол факт. Адам тұрып жұмыс істегенде миы жақсы жұмыс істейді. Жапондарда бұл орынды үнемдеудің де бір түрі. Олар 8 сағат тұрып жұмыс істегенде 2 есе көп нәтиже көрсетеді. Былтыр Жапонияға барғанда түсірген видеоны көріңіздер. Олардың басшылары да тұрып жұмыс істейді”, – деп жазады ол.
Айтуынша, жапондардың компания қызметкерлері еденді де өздері жуады. Президенті дәліздің еденін жуады. Бұл бір біріне деген құрметтен туған.
“Біз осылайша жұмыс тәртібіне көштік. Бірақ еден жумаймыз. Кеше кеңсеге кірдім де, осы жайлы неге жазбасқа деп ойладым”, – дейді кәсіпкер.
Тағы да оқыңыз:
Дауыл кезінде үйдің шатыры басып қалған 80 жастағы соғыс ардагері хәл үстінде жатыр
12 жастағы Жәнелге бүйрегін берген ер адам өзін алдап кеткенін мәлімдеді
Қызметкерлерінің қылмысын жасырған түрме басшысы сотқа тартылды