Қазақстандық азамат адам өлтіріп, оның денесін шошқаға жем еткен
Қазақстан азаматы мен оның сыбайласы Омбыда тұратын фермерді өлтіргені үшін айыпталып жатыр. Азамат пен азаматша жәбірленушінің миллион теңгеге жуық ақшасын алып қоймақшы болып, қылмыстық әрекетке барған.
Бұл туралы РИА Новости хабарлады.
40 жастағы Қазақстан азаматы адам тонап, өлтіргені үшін ал оның 43 жастағы сыбайласы (әйел), Омбы облысының тұрғыны қарақшылық жасап, адам өлтіруге үгіттегені үшін айыпталып отыр.
Тергеу болжамы бойынша, әйел Боголюбовка ауылында тұратын 57 жастағы фермердің ақшасы бар екенін біле тұра сыбайласына оны өлтіруге ұсыныс жасаған.
Ал арам ойларын қылмыскерлер биылғы жылдың 14 ақпанында жүзеге асырған. Отырыстан кейін Қазақстан азаматы фермерді буындырып өлтірген. Артынша оның үйінен 200 мың рубль (шамамен 1 800 000 теңге) ақша тапқан. Ал дәлелдерді жою үшін қылмыскерлер адамның денесін шошқаға жемтік еткен.
Ер де, әйел де кінәларын жартылай мойындады. Олар ұрлаған ақшаларын азайтып айтып отыр.
Қазіргі уақытта Қазақстан азаматы тұтқынға алынды, ал оның сыбайласы кәмілеттік жасқа толмаған үш бірдей баласы болғандықтан, ешқайда кетпеу туралы тілхат жазып, үйінде отыр.
Ал қылмыстық іс Омбы облыстық сотында қаралатын болады.
Оқи отырыңыз:
Павлодарлық ару аттракционға мінемін деп өмірімен қош айтыса жаздады
ШҚО тұрғындары мәйітті үй ауласына көмбекші болған адамды видеоға түсіріп алды (видео)
Астанада Chevrolet автокөлігі суға құлап кетті
Қарағандыда ішкіш көршілерінің кесірінен 10 пәтер жанып кетіп, иелері далада қалды