"Портал өте қарапайым болады. Онда сіз өзіңіздің зейнетақы жинағыңызды қандай мақсатта жұмсамақ болғаныңызды жазасыз. Бірінші мақсат - сіз жеке үй сатып алған кез келген азаматтық-құқықтық мәмілелер бойынша толық есеп айырысу. Бұл сатып алу-сату келісімі болуы мүмкін. Сату, үлестік қатысу шарты, жекешелендіру келісімі, тұрғын үй құрылыс кооперативіне үлестік қатысу туралы келісім, бөліп төлеу шарты, тұрғын үйді айырбастау тағы басқа құжаттар ұсынылады. Яғни, біз тұрғын үй сатып алудың барлық мүмкіндіктерін ұсындық", - деді Ибрагимова.

"Екінші мақсат - адамның жаңа үй алғысы келгенде ипотека бойынша алғашқы жарнаны төлеу мүмкіндігіне ие болуы. Үшінші мақсат - қолданыстағы ипотекалық тұрғын үй заемы бойынша қарызды ішінара немесе толықтай өтеу. Негізгі қарызды өтеуге мүмкіндік болғанымен, айыппұлдар мен өсімпұлдар қабылданбайды", - деді ол.

Төртінші мақсат - тұрғын үй құрылыс жинақ жүйесінде тұрғын үйге ипотекалық несие алу.

Бесінші - қайта қаржыландыру, алтыншы - ұзақ мерзімді лизинг шарттары бойынша қарызды толық өтеу.

Оған қоса, өтініш берушінің құқығын туыстары да пайдалана алады.

"Ереже бойынша ата-аналар, балалар, жақын туыстарының інісі, қарындасы жинақтың бір бөлігін жәрдемақы алатын адамның атынан ала алады", - деді Ибрагимова.

Оған қоса, зейнетақының бір бөлігін денсаулық жағдайын жақсарту үшін пайдалануға да болады.

Өтініш беру:

- порталға ЭСҚ-мен кіріп, жеке кабинетіңізді ашыңыз;

- өтінім беруші қаражатты қандай мақсатта жұмсамақ болғанын таңдау.

- әр мақсаттың жеке құжаттар тізімі бар, оларды алдын-ала сканерлеу қажет;

- қолданғыңыз келетін соманы көрсетіңіз;

- "Сұраныс жіберу" батырмасын басыңыз;

- ЭСҚ көмегімен БЖЗҚ-дан қаражат сұрауға қажетті үш өтінімге қол қою;

- содан кейін клиент (егер арнайы шот болса) "БЖЗҚ-ға өтінім жіберу" батырмасын басады;

- қажетті соманың болуы туралы хабарлама алғаннан кейін, клиент құжаттарды жүктеуге арналған терезе ашады.

Құжаттар арнайы шотқа қаражат түскеннен кейін 45 жұмыс күні ішінде қолданылуы керек. Әйтпесе, олар БЖЗҚ-ға қайтарылады.

Талқылау