Қазақстандық шахматшы ФИДЕ-нің ең жас чемпионы атанды: Президент жас чемпионды құттықтады
Панамада өткен шахматтан оқушылар арасындағы әлем чемпионатында 7 жастағы Малика Зиядин ФИДЕ-нің ең жас чемпионы атанды. Қасым-Жомарт Тоқаев жас чемпионды жетістігімен құттықтады, деп хабарлайды Stan.kz ақпарат агенттігі.
Жарысқа 36 шахматшы қатысқан. Олардың әрқайсысы 9 ойыннан өткізген. Нәтижесінде Малика максималды 9 ұпай жинаған.
“Жеті жасқа дейінгі бүлдіршіндер арасында өткен сайыста жоғары деңгейде өнер көрсетіп, екі бірдей атақты иеленуің – Қазақстанның шахмат тарихында бұрын-соңды болмаған жетістік. Сен тума талантың мен жеңіске деген ерік-жігеріңнің арқасында осындай биік белесті бағындырдың. Өзің ізін басып келе жатқан қазақстандық шахмат шеберлерінің даңқты жолын лайықты жалғастыратыныңа кәміл сенемін”, – деп жазылған президенттің құттықтау хатында.
Мемлекет басшысы Малика Зиядиннің әрдайым жеңіс тұғырынан көрінуіне тілектестік білдірді.
Марқұм фельдшер Ұлдана Мырзуанның қазасына берілген 20 миллион теңгені кім алды: Әкімдік жауап берді
Марқұмның мүлкіне қатысты мәселелер заң талаптарына сәйкес нотариус арқылы рәсімделген
Астанада нөсер жаңбырдан кейін әйелдің 35 миллион теңгелік көлігі жарамсыз болып қалды
Анар Долдырина бұл жағдайға байланысты Астана әкімдігіне өтініш жолдаған