Қазақстандағы жоғары оқу орындарында жасанды интеллект оқытылады
Цифрлық даму, инновациялар және аэроғарыш өнеркәсібі министрі Жаслан Мәдиев 2029 жылға қарай Қазақстанда жоғары оқу орындарында жасанды интеллектті (АИ) оқыту жүйесін 60% арттыру жоспарланғанын мәлімдеді. Бұл туралы Stan.kz ақпарат агенттігі хабарлайды.
Фото: Freepik.com
Ол адами капиталды дамыту үшін жасанды интеллект экожүйесін дамытуда кешенді инновациялық инфрақұрылым әзірленіп жатқанын атап өтті.
"Нұр-Әлем" мұражай орнындағы “Alem.AI” ұлттық орталығы мемлекет, ғылым, бизнес және халықаралық серіктестер арасындағы ынтымақтастық алаңына айналады. Оқытушылардың қатысуынсыз жобаларды іске асыру арқылы практикалық оқытуға негізделген peer-to-peer әдіснамасымен бүкіл ел бойынша бағдарламалау мектептерін іске қосу жоспарланып отыр. Бұл студенттердің өзара іс-әрекетіне және зерттеу тәсіліне ықпал етеді", – деп толықтырды министр.
Оның айтуынша, елімізде зерттеу орталықтарын құру үшін халықаралық компаниялармен және институттармен ынтымақтастық жасанды интеллект саласындағы ғалымдарға озық серіктестермен жұмыс істеуге мүмкіндік береді.
"Жалпы, өмірдің түрлі саласында жасанды интеллектті жаппай тарату бағдарламасы пысықталып жатыр. Жыл сайын біз 10 мың талант, 1 мың АИ-маман, 100 АИ-стартап және 10 ғылыми жоба дайындаймыз деп жоспарлап отырмыз. Нысаналы индикатор – АИ оқытатын жоғары оқу орындарының үлесін 2025 жылғы 20%-дан 2029 жылы 60%-ға дейін ұлғайту", – деп жалғастырды Жаслан Мәдиев.