Биыл Антикор бюджетке 1 триллион теңге қайтаруды жоспарлап отыр. 1200 орындық бір оқу орнына 5-6 миллиард салынатын болса, бұл қаражат 170-ке жуық мектепті салуға жеткілікті.

Бүгінде Қазақстанда 250 мыңнан астам оқушы толық сыныптарда оқуға мәжбүр. Ал ішкі көші-қон мен туудың жоғары деңгейін ескере отырып, оқу орындарына қажеттілік тек артады және 2025 жылға қарай лық толы мектепте оқитын балалар саны 1 миллионға жетуі мүмкін. Сондықтан 3 жыл ішінде елімізде 800-ден астам оқу орнын салу жоспарлануда. Республикалық бюджеттен бұған 2,5 триллион теңге бөлінді. Тек ол қаражат жеткіліксіз болуы мүмкін.

“Жер мәселесі бар. Мектептердің құрылысына ақша қарастырылған, бірақ жер учаскелерін сатып алуға ақша берілгеніне толық сенімді емеспін. Сатып алынған жерлердің барлығы дерлік жеке меншікте”, – деді Қазақстан құрылыс салушылар қауымдастығының президенті Виктор Микрюков.

Жер учаскелерінен басқа, құрылыс материалдары да қымбаттайды. ҚНжЕ үнемі жаңартылып отыратындықтан, құрылыс мерзімдері кешіктіріледі. Мамандар қосымша субсидиялар қажет екенін айтты.

ҚР премьер-министрі Әлихан Смайыловтың айтуынша, ақша қараша айында бөлінеді. Алайда экономистер бұл туралы басқаша пікірде.

“Бұл ақшаның қашан түсетінін болжау қиын. Мектептер жоспарлы түрде салынуы керек. Сыбайлас жемқорлықтан түсетін кірісті болжау мүмкін емес, бірақ мектептегі мәселе айқын. Бұл – ұлттық қауіпсіздік мәселесі, ұлттың бәсекеге қабілеттілігі, ол білім сапасымен анықталады”, – деді қаржы сарапшысы Марат Каирленов.

Талқылау