Қазақстандағы колледждерде оқу тегін болмақ
Үкіметтегі онлайн баспасөз мәслихатында премьер-министрдің орынбасары Ералы Тоғжанов колледждерде білім алу мүмкіндігін тегін қылу жоспарланып жатқанын айтты, деп хабарлайды Stan.kz ақпарат агенттігі.
“Колледждерде оқуға ниет білдерген 9-сынып түлектерін 100 пайыз тегін оқумен қамту жоспарлануда. Жыл сайын 9-сыныптан кейін 30 мың бала колледждерде ақылы негізде оқуда. Олардың біразы қаржылық қиындықтарға байланысты оқуын бітірместен тастап кететін жағдайлар кездесіп жатады. Сондықтан жастарды, оның ішінде аз қамтылған отбасы балаларын қолдау мақсатында оқуға ниет білдірген барлық 9-сынып түлектеріне колледждерде тегін білім алуға мүмкіндік жасалатын болады”, – дейді вице-премьер.
Сондай-ақ ол биыл елімізде 200-ден аса мектеп салынатынын атап өтті.
"Жалпы биыл кемінде 200-ден аса жаңа мектеп салынады. Нәтижесінде, 2025 жылға қарай орын тапшылығын, сондай-ақ апатты және үш ауысымды мектептер мәселесін толықтай шешетін боламыз", – деді ол.
Қазақстандық қария 67 жылдан кейін бауырымен қауышты: Олар бір-бірін TikTok арқылы тапқан
Айкерімнің айтуынша, әкесінің отбасы шекара бөлінген кезде Қытай аумағында қалып кеткен.
"Теннисті таңдауыма әкем себепкер болды, ал Еленаның жетістіктері – біз үшін үлкен мотивация" – Заңғар Нұрланұлы
Заңғар Нұрланұлы Australian Open–2026 турнирінде ширек финалға дейін жетіп, Қазақстан теннисі тарихында мұндай нәтижеге қол жеткізген алғашқы қазақ спортшысы