Қазақстанда қызылша жұқтыру бойынша эпидемиологиялық жағдай күрделі
Қызылша ауруы Қазақстанның барлық өңірлерінде тіркелді. Жыл басынан бері қызылшаның 11 мыңнан астам жағдайы тіркелді. Оның 80 пайыздан астамы 14 жасқа дейінгі балалар. Денсаулық сақтау вице-министрі Айжан Есмағамбетова осындай дерек келтірді. Бұл туралы Stan.kz ақпарат агенттігі хабарлайды.
Фото: ОКҚ
Денсаулық сақтау вице-министрі эпидемиологтар неліктен вирустың таралуын COVID-19-бен байланыстыратыны туралы айтты.
"Балалардың 70% - ы вакцинаны алмағандар. Негізінен ата-аналардың бас тартуына байланысты. Ауру барлық жерде таралып жатыр. Бірақ ең жоғары көрсеткіш Шымкент, Алматы, Жамбыл және Алматы облыстарында байқалады", - деді Есмағамбетова ОКҚ алаңында өткен баспасөз мәслихатында.
Вице-министр атап өткендей, қызылшаның өршуіне COVID-19 ықпал етті. Дәл осы уақыт аралығында балалар көбісі қызылшаға қарсы вакцинаны дер кезінде алмаған.
"Барлық ауырған балалардың 65% - ы бес жасқа дейінгілер. Бұл COVID жылдарында дүниеге келген сәбилер. Біз бұл уақытта вакцинация мәселелерінде де проблемалар болғанын білеміз", - деп атап өтті Есмағамбетова.
Айжан Есмағамбетова тек вакцинация ғана басқа вирустық аурулар сияқты қызылшаны жеңуге көмектесетінін айтады. Қызылша әсіресе осы жаста ауыр өтетінін және оның салдары мүгедектік пен өлімге дейін әкелуі мүмкін екенін атап өтті вице-министр. Аурудан жазылып кеткен күннің өзінде, иммунитет бірнеше жыл бойы зардап шегеді.
Сондықтан қосымша вакцинация жүргізу туралы шешім қабылданған.
6-11 айлық балалар келесі аптадан бастап иммундауды бастайды.
2 жастан бес жасқа дейінгі балалар желтоқсан айының басынан бастап қосымша вакцинациядан өтеді.
Дәрігерлер қызылша асқынған жағдайда соқырлық, энцефалит, ауыр диарея, онымен байланысты дегидратация, құлақ инфекциясы және тыныс алудың ауыр проблемаларына және пневмонияға соғуы мүмкін екенін ескертті.