Қазақстанда харассментке қатысты қылмыстық жауапкершілік енгізу жоспарланып отырған жоқ – Депутат Абзал Құспан

Депутат Абзал Құспан мәжіліс кулуарында елде харассментке қатысты жауапкершілік енгізу қарастырылып жатпағанын мәлімдеді. Бұл туралы Stan.kz ақпарат агенттігі хабарлайды. 

Фото: Andrey_Popov/Shutterstock/Fotodom

"Сталкингте харассмент белгілілері бар, харассментті қамтиды. Ал арнайы харассментке қатысты қылмыстық жауапкершілік енгізу күн тәртібінде жоқ. Алда енгізіледі деген сөз жоққа шығарылмайды. Заңға қатысты бастама көтеретін үш орган: президент, үкімет және парламент депутаттары. Кез келген депутат осындай мәселе көтерсе, қарастыруға болады. Өйткені қылмыстық заңнамаға қатысты тағы да заң жобасы келе жатыр бізге", – деді Абзал Құспан. 

Еске салайық, бұған дейін депутат Абзал Құспан адам аңдитындар, яғни сталкерлер қылмыстық жазаға тартылатынын айтқан еді. Оның айтуынша, сталкингке қатысты айып тағылғандар айыппұл төлейді.