Қазақстанда балалар ата-аналарына қамқорлық жасауға міндеттелмек
Конституциялық комиссияның отырысында Бала құқықтары жөніндегі уәкіл Динара Закиева кәмелетке толған балалардың еңбекке жарамсыз ата-аналарына қамқорлық жасау міндетін Конституцияда бекітуді ұсынды. Бұл туралы Stan.kz ақпарат агенттігі хабарлайды.
Закиеваның айтуынша, өскелең ұрпақты тәрбиелеуде ұрпақтар арасындағы өзара жауапкершілік туралы норма ерекше маңызға ие.
“Конституция жобасындағы ұрпақтардың өзара жауапкершілігі туралы бап ережесі кәмелетке толған, еңбекке қабілетті балалардың еңбекке жарамсыз ата-аналарына қамқорлық жасау міндетін бекітеді. Бұл норма құқықтық қана емес, сонымен қатар терең адамгершілік әрі құндылықтық мәнге ие”, – деді Закиева.
Қазақстан Конституциясы толықтай қайта жазылмақ: 84% өзгеріс енгізіледі
Қазақстанда өлім жазасына тыйым салатын норманы Конституцияда бекіту ұсынылды
Балалар омбудсмені мұндай тәсіл отбасылық ынтымақ, өзара құрмет пен жауапкершілік мәдениетін қалыптастыруға, сондай-ақ дәстүрлі құндылықтарды нығайтуға ықпал ететінін атап өтті.
Еске салсақ, бұған дейін Конституциялық комиссияның отырысында мәжіліс төрағасының орынбасары Дания Еспаева Конституцияны тұтастай өзгертуді ұсынған еді.
Блогер Бота Мианың Қазақстан туын ат үстіне жабуы заң бұзу болып есептеле ме, ол үшін қандай жазаға тартылуы мүмкін
Блогердің видеосы қоғамда түрлі пікір туғызды
Қызметкерлердің құқығы күшейеді, грант иегерлерінің тізімі шығады: Қазақстанда 1 тамыздан бастап не өзгереді
Әзірге бұл өзгеріс қарапайым азаматтарға әсер етпейді