Қазақстанда өлім жазасына тыйым салатын норманы Конституцияда бекіту ұсынылды
Конституциялық комиссияның отырысында мәжіліс депутаты Сергей Пономарев Конституцияда өлім жазасына тыйым салатын норманы бекіту қажет екенін мәлімдеді. Бұл туралы Stan.kz ақпарат агенттігі хабарлайды.
Депутат бұл ұсынысты Адам құқықтары жөніндегі уәкіл Артур Ластаев та қолдағанын атап өтті.
Қазақстан Конституциясы толықтай қайта жазылмақ: 84% өзгеріс енгізіледі
"Біздің міндетіміз тек Конституция нормаларын қайта жазу емес, оларды қазіргі заман талаптарын ескере отырып жетілдіру. Тағы бір аса маңызды жайт бар, әділетті мемлекет ең алдымен адамның негізгі құқықтарының конституциялық деңгейде қорғалуымен өлшенеді. Сол құқықтардың ішінде маңызды орынды өмір сүру құқығы алады. Осыған байланысты мынадай нормаларды бекіту ұсынылады: “Өмір сүру құқығы – әрбір адамның абсолютті және ажырамас құқығы. Ешкімнің адам өмірін өз бетінше қиюға құқығы жоқ” және ең маңыздысы: “Өлім жазасына тыйым салынады", – деді Пономарев.
Еске салсақ, бұған дейін Конституциялық комиссияның отырысында мәжіліс төрағасының орынбасары Дания Еспаева Конституцияны тұтастай өзгертуді ұсынған еді.
"Еркекке айналып, жас қыздармен қатынасқа түседі": Қазақстандық әйелдер түрмедегі былықтарды жайып салды
"Түрме - осы өмірдегі тозақ"
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды