Қазақстан ТМД елдерімен сыбайлас жемқорлыққа қарсы іс-қимыл жөніндегі келісімді ратификациялады
Қазақстан ТМД елдерімен сыбайлас жемқорлыққа қарсы іс-қимыл жөніндегі келісімді ратификациялады. Бұл туралы Stan.kz ақпарат агенттігі хабарлайды.
Фото: akorda.kz
Президент Қасым-Жомарт Тоқаев 1 сәуір күні тиісті заңға қол қойды.
“Мемлекет басшысы "Тәуелсіз Мемлекеттер Достастығына қатысушы мемлекеттердің сыбайлас жемқорлыққа қарсы іс-қимылдағы ынтымақтастығы туралы келісімді ратификациялау туралы" Қазақстан Республикасының Заңына қол қойды”, – делінген хабарламада.
Айта кетейік, бұл келісімге Армения, Беларусь, Өзбекстан, Қырғызстан, Ресей, Тәжікстан және Қазақстан басшылары 2022 жылы 14 қазанда Астанада қол қойғанын мәлімдеген еді.
Сыбайлас жемқорлыққа қарсы іс-қимыл агенттігі төрағасының бірінші орынбасары Ұлан Сарқұловтың айтуынша, келісімді ратификациялау заңсыз жолмен алынған және шетелге шығарылған активтерді қайтаруға мүмкіндік береді. Сондай-ақ келісім сыбайлас жемқорлықтан түскен кірістерді іздеу және қайтару, сыбайлас жемқорлық қылмыстарын жасаған адамдарды ұстау және экстрадициялау, сондай-ақ ақпараттық жүйелерді пайдалану арқылы ынтымақтастықты нығайтады.
Еске салсақ, бұған дейін Қазақстан мен Өзбекстан арасында ашылатын жаңа логистикалық орталық туралы заңға қол қойған еді.
Павлодарды "біздікі" деген ресейлік стример Fassoollka жауапқа тартыла ма? Заңгер түсіндірді
