"Мен ең басынан бастап біз Қазақстанның санкцияларға қосылмау туралы шешімін құрметтейтініміз туралы өз ұстанымымызды жарияладық және оған қосылуды Қазақстаннан талап етпедік. Біздің Қазақстаннан сұрайтынымыз – санкциялардың Қазақстан аумағы арқылы айналып өтпеуін қамтамасыз ету. Бұл ел "Үлкен жетілік" елдері салған санкцияларды айналып өтетін алаңға айналмауы керек. Қазақстанның мұндай болмайды және әскери заттар Ресейге қайта экспортталмайды деп кепіл бергені үшін алғыс айтамыз", – деді О’Салливан Астанада өткен баспасөз мәслихатында.

ЕО-ның санкциялар жөніндегі арнайы өкіл Қазақстан санкцияланған тауарларды Ресейге қайта экспорттауы мүмкін екеніне алаңдаулы.

"Санкция мәселесіне келсек, иә, Қазақстан тарапында қазір біз талқылап жатқан бірнеше проблемалық мәселе бар. Сұрақ Каспи құбырының функционалдығы мен жұмысына қатысты ", – деді ЕО өкілі.

Айтуынша, Еуразиялық даму банкінің бұғатталған активтері тоқтатылмаған және Қазақстандағы жобаларға бөлінген. Сонымен қатар О'Салливан Қазақстан арқылы санкциялар тізіміне енгізілген өнімдердің импорты мен реэкспортының айтарлықтай ілгерілеуі мен төмендеуін атап өтті.

"Біздің тізімдегі осы 50 зат тауар айналымының 1%-ына тең. Бұл шынында да өнімдердің шағын ассортименті, көлемі жағынан да, құны жағынан да шағын өнім, бірақ олар құнды. Бұл өнімдердің Қазақстан арқылы импорты мен реэкспортының айтарлықтай төмендегенін көріп отырмыз. Мұнда оң прогресс байқалады", – деді Еуроодақтың арнайы өкілі.

Талқылау