Қазақстан құрамасының бұрынғы хоккейшісі АҚШ-та мэр лауазымына сайланды
Хоккейден ҚР құрамасының бұрынғы ойыншысы Брэндон Боченски америкалық Гранд-Форкс қаласының мэрі сайлауында жеңіске жетті, деп хабарлайды Stan.kz ақпарат агенттігі.
Ол аталған қызметте ұзақ уақыт отырған Браунды орнынан сырғытты.
Grandforksherald ақпараты бойынша, бұрынғы хоккей жұлдызы, қазір бизнесмен Боченски тек Браунды ғана емес, қалалық иммиграция қызметінің қызметкері Робин Дэвидті де жеңді.
"Сіз бес ай жұмыс істегенде, осы нәтижеге риза болуыңыз керек. Менің ойымша, қала өзгерістерге дайын болды. Және бұл біз оған әкелген ең үлкен атрибут - өзгерістер және жақсы өзгерістер", - деді Боченски.
Сайлауда Боченски 5663 дауыс жинады, немесе 49,62%. Браунда 3360 дауыс, немесе 31,81%, ал Дэвидте 1989, немесе 17,43% болды.
Айта кетейік, Қазақстан құрамасымен Боченски үш әлем чемпионатында өнер көрсетіп, оның капитаны болды. Ұлттық команда құрамында ол 15 матч өткізіп, 12 (5+7) ұпай жинады.
Анасын мәжілісте құттықтаған Назаров, жалған ақпарат берген министр Жұманғарин: 2025 жылы басы дауға қалған шенеуніктер
Stan.kz тілшісі орынсыз әрекеттерімен және ерекше мәлімдемелерімен көптің шамына тиген шенеуніктердің тізімін жасады.
Әуежайда әйелдің өмірін сақтап қалған Мұса Әбдірайым – “Жыл адамы 2025” атанды
Дауыс жинаған жандардың қатарында: Мейірман Шекеев, Гүлмира Мұханқызы, Турсен Алагөзов, Темірлан Анарбеков, Ұлдана Мырзуан болды