Қазақстан 2025 жылы бокстан World Boxing Кубогының екінші кезеңін қабылдайды
Халықаралық бокс федерациясының ресми мәлідемесіне сәйкес, Кубоктың екінші кезеңі Қазақстанда 2025 жылдың 30 маусымы мен 7 шілдесінде өтеді. Бұл туралы Stan.kz ақпарат агенттігі хабарлайды.
Фото: olympic.kz
World Boxing ұйымы осы жылы өтетін жарыстар жоспарын бөлісті. Биыл турнирлер қатарында Әлем Кубогі де болады. Байрақты бәсекенің екінші кезеңі Қазақстанда өтеді.
Әлем кубогі үш кезеңнен тұрады. Жарыс ережесі бойынша ерлер мен әйелдер құрамаларының үздік өкілдері ұпай жинау үшін бақ сынайды.
Бірінші кезең Бразилияда 30 наурыз бен 7 сәуір аралығында өтеді, ал үшінші кезең 21-27 шілде аралығында болады. Әзірге үшінші кезеңнің өтетін орны әлі белгісіз.
Бұған дейін, 2024 жылдың желтоқсанында бокстан 2027 жылы әлем чемпионаты Астанада өтетіні жарияланған еді. Бұл оқиға 2028 жылы Лос-Анджелесте болатын Олимпиада ойындарына дайындықтың маңызды кезеңі болмақ.
Айта кетейік, 2024 жылдың қараша айында Қазақстан бокс федерациясы ресми түрде World Boxing ұйымына қосылды. Жаңа ұйымның төрағасы болып қазақстандық Геннадий Головкин сайланған еді.
