Қазіргі таңда тауарларын Степногорсктан бөлек, көрші қалаларға да өткізеді. Тіпті біртіндеп бизнестің өзге түрлерін де меңгере бастаған. Қазір қол астында онға жуық адам қызмет етеді, енді олардың қатарын бірнеше есеге арттыру - алдағы мақсат.

"Кәсіп болған соң айналымға, ауқымын кеңейтуге қашан да қаржы керек. Бірнеше банкке бардық. Жұбайым Венера KMF өкілдерімен танысып, шарттарын біліп, бірден ұнатты. Ол кезде бұл компания микроқаржы ұйымы болатын, қаламызда да енді ғана ашылған еді. Содан бері 15 жыл өтті, қазір KMF банк болды, ал біз әлі де клиентіміз, әлі де сол кездегідей бәрі ұнайды", – дейді кәсіпкер.

Көрме

Ақылбек Сыдықов пен Венера Кірдібаева "Ұлттық өнім" көрмесінде KMF Банк қызметкерімен

KMF Банктен алған қаражатқа ғимарат сатып алып, қазір тамақтану саласында іс бастап кеткен отбасының бизнес жоспары дайын. Үш баласын қанаттандырып, немере сүйіп отырған олар алдағы уақытта жаңа жұмыс орындарын ашып, бизнес шекарасын кеңейтуді көздеп отыр.

"Қаншама жыл бизнесте жүрмін, бір түсінгенім – өндіріске жететіні жоқ. Отандық өндірісті қолдап келе жатқан KMF Банкке мың алғыс", - дейді олар.

Айта кетейік, KMF Банк биыл да "Ұлттық өнім" көрмесінің демеушісі болды. Нарыққа 1997 жылы келген KMF-тің қазіргі таңда еліміз бойынша 123 бөлімшесі мен 17 филиалы бар, соның арқасында 4 мыңға жуық елдімекенді өз қызметімен қамтып отыр. Бөлімшелерінің басым бөлігі шалғай ауылды елдімекендерде орналасқан және клиенттерінің басымы кәсіппен айналысады. Агро, қызмет көрсету мен өндіріс саласында бизнес жүргізіп отырғандар баршылық және олар жылда "Ұлттық өнім" сынды ауқымды көрмелерге қатысып, бірқатар жетістікке жеткендер.

Банк операцияларын жүргізуге ҚНРДА 25.11.2025 жылы берген № 1.1.121 лицензия