Қасым-Жомарт Тоқаев арнайы операциялық күштер қолбасшысын қызметінен неге босатты – Қорғаныс министрі түсіндірді
Президент Қасым-Жомарт Тоқаев арнайы операциялық күштер қолбасшысы Болат Жұрабаевты қызметінен неге босатқаны туралы қорғаныс министрі Руслан Жақсылықов жауап берді. Бұл туралы Stan.kz ақпарат агенттігі хабарлайды.
Қорғаныс министрі құрылым жауынгерлік дайындықпен айналысатынын айтты.
"Бұл – табиғи процесс. Сенесіз бе? Офицерлерде, 40-қа дейін және 40 жылдан көп қызмет еткендерде кәсіптік ауру өте көп. Соған сәйкес, арнайы операциялық күштердің қолбасшысы денсаулығына байланысты отставкаға кетті", – деді Руслан Жақсылықов парламент палаталарының бірлескен отырысында.
Еске сала кетейік, 2022 жылы қаңтар айында президент Қасым-Жомарт Тоқаев "Қазақстан Республикасы қарулы күштерінің арнайы операция күштерінің қолбасшылығын құру туралы" жарлыққа қол қойған еді.
Мемлекет басшысы Қазақстанда әскери барлауды күшейту керек екенін, ол ел басшылығын сыртқы және ішкі қауіптер туралы уақытылы және сенімді ақпаратпен қамтамасыз етуі қажет екенін айтты.
Талқылау
"Жиырмадан асқан жігіттер қырындайды": Қызының қатарласындай жас көрінетін 40 жастағы қазақстандық әйел желі жұлдызына айналды
Альбинаны көбіне қызының құрбысы немесе әпкесі деп ойлайды екен
Тұрғын үй кіреберісіне балалар арбасын, велосипед және тағы басқа зат қойғандарға қандай жаза бар
Подъезге жеке заттарын және қоқыс қойғандарға 19660 теңге айыппұл салынады