Қарағанды облысында үйін су басқан тұрғындар біржолғы өтемақыны ала алмай отыр
Қарағанды облысында су тасқынынан зардап шеккендерге біржолғы көмек – әр отбасына 370 мың теңге шамасында және жоғалған мүлкі үшін өтемақы төленеді. Төлемді тек Шет ауданының тұрғындары алады. Қарағанды мен басқа да аудандардағы су басқан үйлердің тұрғындарына өтемақы қарастырылмаған. Бұл туралы Stan.kz ақпарат агенттігі Информбюро арнасына сілтеме жасап хабарлайды.
Фото: Видеодан скрин
Қарағандыдағы Космонавтар көшесінің тұрғындары өз өңірлерінде бұрын-соңды су тасқыны болмағанын айтты. Бірақ былтыр әкімдік ескі арықтың орнына ағын су өткізетін канал салып, тасқын кезінде көшенің жартысы су астында қалған. Тұрғындар олардың шығынын ешкім өтемей ме деп қорқатынын жеткізді.
"Менің ойымша, бұл – өте үлкен апат". Тұрғындардың бәрі үйін жөндеуі керек. Жаңа құрал-жабдықтар, жөндеу жұмыстары, құрылыс материалдары бар. Мұның бәріне көп шығын кетеді", – деді қала тұрғыны Елена Абдувили.
Шет ауданындағы бар болғаны 4 ауылдың тұрғындары өтемақы алады: Ақсу, Қайрақты, Деріпсәлі және Красная Поляна. 60 үй. Қарағанды, Теміртау қала-спутник пен Ботақарада ондаған үйге су кіргенімен, олар ресми статистикаға да енбеген.
"Біз тікелей елді мекенде болған ірі төтенше жағдайларды дер кезінде жеткіздік. Әрине, жергілікті тұрғындардан өтініш көп болды. Ол үшін суды сорып, ағызып жіберу шаралары жедел қолға алынды", – деді Қарағанды облысы Төтенше жағдайлар департаментінің басшысы Мұрат Қатпанов.
Әкімдіктердің заңды негізсіз өтемақы үшін бюджеттен ақша алуға құқығы жоқ. Сондықтан жәбірленушілер тек өз күшіне немесе демеушілерінің ізгі ниетіне сенуі керек.
“Төтенше жағдайды жариялау үшін заңмен белгіленген қауіптер мен тәуекелдерді анықтау қажет. Оларға белгілі бір зиян келтіру, азаматтардың денсаулығына зиян келтіру, тіршілік әрекетін бұзу жатады. Осыған байланысты қазіргі жағдайларды ескере отырып, Қарағанды қаласында төтенше жағдай жарияламау туралы шешім қабылданды”, – деп хабарлады Қарағанды әкімдігі.
Айта кетейік, бұған дейін Орал әкімі Миржан Сатқанов халыққа видеоүндеу жасап, Ресейден үлкен көлемді су келе жатқанын хабарлады. Айтуынша, Ресейден келетін су ағынының артуына байланысты Оралдағы Жайық өзені деңгейі 8 метрге жуықтаған. Осыған байланысты әкім халықты шұғыл эвакуациялауды бұйырды.