Қарағанды облысында екі баланы ит қауып, біреуі қайтыс болды
Қарағанды облысында екі баланы ит тістеп, зардап шеккендердің бірі қаза болды, деп хабарлайды Stan.kz ақпарат агенттігі.
Оқиға 1 сәуірде болған. Қарағанды облысының Ақтоғай ауданында ит 3 және 5 жастағы екі балаға шабуыл жасады. Бұл жағдай туралы хабар Ақтоғай аудандық полиция бөліміне сағат 19.00-де түскен. Зардап шеккен балалар бірден медициналық мекемеге жеткізілген.
"Полицейлер жеке үйдің ауласында ойнап жүрген 3 және 5 жастағы екі ұл балаға бос жүрген иттің шабуыл жасағанын анықтады. Зардап шеккен балалар медициналық мекемеге жеткізілді, онда 3 жасар бала алған дене жарақатынан қаза болды. Екінші бала ауруханаға жатқызылды", – деп хабарлады Қарағанды облысы ПД баспасөз қызметі.
Қазіргі уақытта аталған факті бойынша тергеу жүргізілуде. Полицейлер оқиғаның мән-жайын анықтап жатыр.
Талқылау
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
Министрліктің мәліметінше, бұған дейін әр өңірде су бағасы әртүрлі есептелген
Астаналық әйел тірі ұлын "өлтіріп", 100-ге жуық әріптесінен ақша жинаған
Жәбірленуші: "Гүлмира Ашимова Ұлттық ұландағы подполковниктің әйелі"