Израиль мен ХАМАС соғысты уақытша тоқтату туралы келісімге келді
Израиль мен ХАМАС кепілге алынған израильдіктердің кейбірін босату, соғыс қимылдарын тоқтату және кейбір палестиналық тұтқындарды Израиль түрмелерінен босату туралы келісімді мақұлдады. Бұл жөнінде Stan.kz ақпарат агенттігі ВВС сайтына сілтеме жасап хабарлайды.
Келісім нәтижесінде бірнеше шаралар қабылданды:
- ХАМАС кепілге алынған 50 израильдік бейбіт тұрғынды, әйелдер мен балаларды босатты;
- Израиль Газа секторында атысты 4 күнге тоқтатады;
- Израиль шамамен 150 палестиналық тұтқынды – әйелдер мен балаларды түрмеден босатады;
- Бітім кезінде Газаға гуманитарлық көмек пен жанар-жағармай тиелген жүк көліктері жіберіледі.
ХАМАС бес күндік атысты тоқтату кезінде "ұрланған” 30 баланы, сегіз ананы және тағы 12 әйелді босатуы керек.
Израиль ақпарат құралдарының хабарлауынша, алғашқы кепілге алынғандар бейсенбі күні босатылуы мүмкін. Оларды босату кезең-кезеңімен жүзеге асырылып, күніне шамамен 12 тұтқын босатылады.
Заң бойынша жұртшылық 24 сағат ішінде белгілі бір адамды босатуға қарсы петиция жазуы керек.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
Желі қолданушысы: "Қазақтың жерлеу рәсімін жек көремін"
Не себепті Қазақстанда туу көрсеткіші Ресейден жоғары? Сарапшылар мұның пайдасы мен зиянын айтып берді
Демограф: “Жастар арасында child free ұстанымына бет бұру үрдісі бар”