“Қайрат 5 ай болған кезде Нұртасты Павлодар қаласына практикаға алып кетті. Ол кезде Политех-тың студенті болатын. Бізге жас отбасы деп институт екі бөлмелі жатақхана берген еді, мен сол жерде қалдым. Екеуіміз екі қалада жүрдік. Павлодар қаласына барғаннан кейін, жас жігіттер би кешіне шығады. 25 бала болып барады. Сол жақтың 50-60 баласына тап болып, қарсы төбелеседі. Нұрекең сол кезде әскерді енді бітіріп келген жылы болатын. Тепсе темір үзетін күші бар еді. 25 баланың бәрі әскерге бармаған. Арасында екі-үш жігіт қана барған. Қалғандары институттың 1 курсын бітірген жасы 20-ға да толмаған жас жігіттер. Бұзақы жігіттер араларындағы Бауыржан деген баланы шақырады. Қолдарына пышақ барын анық көрген Нұрекең оны артқа қарай итеріп, өзі төбелесуге кетеді. Сол сәтте барлығы Нұрекеңе жабылып, ішіне пышақ сұғып, терісін жыртып жібереді. Маған хабар келгенде, ең бірінші басыма келген ой, “бес айлық баламен жесір қалдым ба?” деген болды. Қатты қорқып кетіп, бір орында тұрып қалғаным есімде. Қазіргідей бірден ұшып баратын мүмкіндік жоқ. Отбасы болғаннан кейін әртүрлі сынақтың болатыны белгілі. Біреу ақшамен, екіншісі жоқшылықпен, енді біреуі денсаулықпен сынайды. Сізге таныс емес нөмер хабарласып, “Күйеуіңіз пышақталды” десе қандай күйде болатын едіңіз”, – оқырмандарын ойландырып қойды.

Продюсер одан кейін күйеуінің қасына қалай жеткенін де айтып берді.

“Бірден әпкеме хабарластым. Оған барлық мән-жайды түсіндіргеннен кейін, Павлодарға ұшатын рейс іздедік. Ол табылғаннан кейін билет жоқ. Әпкемнің ауған соғысының ардагер танысы болатын, соған бардық. “Саған кезексіз билет береді ғой, көмектесші” деп. Ол бірден билет тауып берді. Оны алатын ақша жоқ. Өзім сол кезде-ақ қымбат көйлектер киетін едім. Әпкем базарға барып көйлектеріңді сатасың деді. Жайма базарға барып 10 шақты көйлегімді тізіп қойдым, бір сағатта өтіп кетті. 5 айлық баламмен жүре алмайтыным белгілі, Қайратты қайным мен келініме тастап кеттім. Олар бала бағудан қорқып, ауылға беріп жіберген. Емізулі баламды қимай ұзақ жыласам да, күйеуімді көзіммен көру керек болды. Сөйтіп бірінші рейспен Павлодарға ұшып, күйеуімнің жанында болдым”, – деп еске алады продюсер.

Еске салайық, продюсер тұңғышын қалай дүниеге әкелгенін жазған болатынбыз.

Талқылау