Ғалымдар өлімді тездететін жаңа белгіні анықтады
Халықаралық ғалымдар тобы оң және сол қолдарда өлшенген қан қысымының айырмашылығы инсульт, инфаркт және жедел өлім қаупін көрсетуі мүмкін деп анықтады. Жаңа дабыл белгісі туралы Hypertension журналында жарияланған мақалада айтылды. Бұл туралы Stan.kz ақпарат агенттігі хабарлайды.
Зерттеушілер Еуропа, АҚШ, Африка және Азиядан 54 мыңға жуық адам қатысқан 24 түрлі зерттеулерге мета-анализ жүргізді. Мамандар қолдағы қан қысымының айырмашылығы туралы мәліметтерді зерттеп, он жыл ішінде болған өлім, инфаркт және инсульт санын қадағалады.
Екі қолдағы систолалық (жоғарғы) қан қысымының арасындағы айтарлықтай айырмашылық артериялардың тарылуын немесе қаттылығын көрсетуі мүмкін, бұл қан ағымына әсер етуі мүмкін. Айырмашылықтың әрбір қосымша миллиметрі стенокардия, инфаркт немесе инсульт қаупін келесі 10 жыл ішінде бір пайызға арттыратыны белгілі болды. Бұл жағдайда айырмашылықтың 10 миллиметр сынабы норманың жоғарғы шегі болып табылады.
Қан қысымы жоғары адамдардың 11 пайызында нормадан асып кету кездеседі, бұл халықтың төрт пайызына сәйкес келеді.