Eurasian Resources компаниясының негізгі акционерлері Машкевич пен Шодиев директорлар кеңесінен кетті

Eurasian Resources Group компаниясының құрылтайшылары мен ірі акционерлері Александр Машкевич пен Патох Шодиев директорлар кеңесінен кетті. Бұл туралы Stan.kz ақпарат агенттігі хабарлайды. 

Фото: ERG

Машкевичтің орнына директорлар кеңесінің басшылығына ERG бұрынғы қожайыны, көз жұмған кәсіпкер Әлиджан Ибрагимовтың ұлдарының бірі Шухрат Ибрагимов келді.

Патох Шодиевтің орнына оның ұлы Сабыр Шодиев келеді. Александр Машкевичтің орнына Эдуард Сурлевич келеді. Премьер-министрдің орынбасары Серік Жұманғарин мен қаржы министрі Мәди Тәкиев директорлар кеңесінің мүшелері қызметін жалғастырады.

"Халықтың несібесін аузынан қағып отырған Шодиев пен Машкевичтің ойлағаны не": Депутат олигархтарды жасанды көмір тапшылығын тудырды деп айыптады

ERG веб-сайтында директорлар кеңесіндегі өзгерістер "жаһандық сын-қатерлер мен динамикалық өзгеретін нарықтар жағдайында компанияны одан әрі дамытуға және нығайтуға бағытталған" деп түсіндіреді. Топ директорлар кеңесінің жаңа мүшелері ұзақ уақыт бойы компанияның өмірі мен процестеріне араласып, салада үлкен тәжірибеге ие және ERG-дің стратегиялық мақсаттары мен міндеттерін акционерлермен бірге жүзеге асыруды жалғастыратынын атап өтті.

"Бұрынғы акционерлердің – топ құрылтайшылары Александр Антонович Машкевич пен Патох Каюмович Шодиевтің, сондай-ақ Әлиджан Рахманұлы Ибрагимовтің директорлар кеңесінің жұмысына қосқан үлесін бағаламауға болмайды. 2014 жылы іске қосылған ірі бизнес трансформациясының арқасында ERG жаңа салалық стандарттарды белгілейтін әлемдік көшбасшылардың біріне айналды. Компания жергілікті қауымдастықтардың өмірін жақсартуға бағытталған әлеуметтік жобаларды жүзеге асыра отырып, өзі жұмыс істейтін елдерде ондаған мың жұмыс орындарын ашты", – деп атап өтті компания өкілдері.

ERG-тің негізгі иелері – қаржы министрлігі – 40%, Александр Машкевич және Ибрагимовтар отбасы – 20,7%, Патох Шодиев – 18,6%.

Александр Машкевич, Патох Шодиев және марқұм Әлиджан Ибрагимовтің отбасы 2005 жылы Forbes журналының нұсқасы бойынша әрқайсысының капиталы 1 миллиард долларды құрайтын Қазақстандағы алғашқы долларлық миллиардерлер атанды. Александр Машкевич пен Патох Чодиев қазақ азаматтығын Израиль және белгиялық азаматтыққа ауыстырды.