Еңбек министрлігі қазақстандықтарға 85 мың теңгеден төленеді деген ақпаратқа жауап берді
Еңбек және халықты әлеуметтік қорғау министрлігі табысы төмен азаматтарға субсидия берілетіні туралы ақпараттың жалған екенін мәлімдеді, деп хабарлайды Stan.kz ақпарат агенттігі.
"Мессенджерлер мен әлеуметтік желілерде таратылып жатқан жұмыссыз азаматтар мен табысы төмен қазақстандықтар 85 400 теңге мөлшерінде мемлекеттік экономикалық субсидияларға өтінім бере алатыны туралы ақпарат шындыққа жанаспайды", – деп жазылған министрліктің ресми сайтында.
Ведомство Қазақстанда мұндай субсидия жоқ екенін атап өтті. Еңбек және халықты әлеуметтік қорғау министрлігі азаматтарды жалған ақпаратқа назар аудармауға және ақпаратты тек ресми көздерден ғана алуға шақырды.
Министрлік жалған ақпаратты тарату заң бойынша жазаланатынын еске салды.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"