Бала күтіміне арналған жәрдемақыны төлеу мерзімі ұзартылмақ
Еңбек және халықты әлеуметтік қорғау министрлігі бала күтіміне арналған жәрдемақыны төлеу мерзімін ұзарту мәселесін пысықтауға кірісті, деп хабарлайды Stan.kz ақпарат агенттігі.
Ресми мәліметке сәйкес, бүгінде осы мәселе Әлеуметтік кодексті әзірлеу жөніндегі жұмыс тобы аясында қаралып жатыр.
"Бұл мәселе бойынша түрлі тәсілдер пысықталуда. Оларды қарау қорытындысы бойынша бюджет комиссиясы қолдау көрсетсе, әзірленіп жатқан Әлеуметтік кодекс аясында жақсартылған норманы қарастыратын боламыз", – делінген ресми хабарламада.
Айта кетейік, бала күтіміне арналған жәрдемақыны ұзарту мәселесі қоғамда талай рет көтерілген. Мәжіліс депутаттары да үкіметке сауал жолдап, әлеуметтік төлемнің мерзімін ұзартуды талап еткен. Мәселен, Қазақстан халық партиясының мәжілістегі фракциясы бала күтіміне арналған жәрдемақыны төлеу мерзімін үш жылға дейін ұзартуды ұсынып отыр.
Талқылау
Қазақстандық блогерлер "лотереяға" тыйым салатын заңды айналып өтудің жолын тапты
Былтырдан бері 113 адам жауапқа тартылып, 50 миллион теңгеден астам айыппұл салынған екен
"Құс үркітіп сағатына 8 200 теңге таптым": Англияда жүріп 1 миллионнан аса айлық алатын қазақстандық жұмысы туралы айтып берді
Алтынай: "Қазақстанда пәтер ақысы, несие, бала-шағаға айлықты жеткізе алмай қиналатынымыз рас”