Еліміздегі барлық мектепте қоңырау орнына күй ойнау ұсынылды
Мектептерде дәстүрлі қоңырауды ұлттық әуен – күйге ауыстыру ұсынылды. Бұл туралы Stan.kz ақпарат агенттігі хабарлайды.
Бұл туралы білім министрлігінің аппараттық кеңесі барысында Алтынсарин атындағы Ұлттық білім академиясының президенті Ғани Бейсембаев мәлімдеді.
"Мамандардан дәстүрлі қоңырауды күйлерге ауыстыру туралы ұсыныс түсті. Сабақтың соңында шертпе күй, үзіліс соңында төкпе күй ойнатуды ұсынамыз. Ғалымдар домбыраның дыбысы баланың психикасына жағымды әсер ететінін, ал қатты қоңырау, керісінше, балаларға жағымсыз әсер ететінін атап өтті", – деді Ұлттық академия басшысы.
Айта кетейік, Қазақстанның бірқатар мектептерінде жүйе енгізілген. Дәстүрлі қоңыраудың орнына мектептерде күй ойнайды. Мамандардың пікірінше, бұл тек есту арқылы ғана емес, сонымен қатар Қазақстанның ұлттық дәстүрлері шеңберіндегі тәрбиеге де жағымды әсер етеді.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"4 миллион теңге күйіп кетті": Мерекеде қызғалдақ сатқан қазақстандық кәсіпкерлер биыл шығынға батқан
Кәсіпкер: "3000 гүл сатуымыз керек еді, бірақ тек 166 дана қызғалдақ саттық"