"Татар-информ" YouTube-арнасында жарияланған "Хазіретпен шай" подкастында Камаев әйелдерге қатысты тұрмыстық зорлық-зомбылық туралы сұрақтарға жауап берді. Татарстандық имам мұсылмандарға әйелдерін қалай "ұрып-соғу" дұрыс болатынын түсіндірген.

Камаевтың айтуынша, әйелі дұрыс емес әрекет жасаса, күйеуі ескертуден бастауы керек.

"Егер ол түсінбесе, бірге жататын төсекті бөліңіз. Әйел онда да түсінбей, дұрыс емес әрекетін жалғастырып, шектен шықса, ұруға болады”, – деді имам.

Имамның айтуынша, әйел, ең алдымен, дұрыс емес нәрсе істеп жатқанын түсінуі керек. Түсінбесе, мысалы, кішкентай таяқпен абайлап бірнеше рет ұруға болады екен.

"Ұрғаныңыз әйеліңізге зиян тигізуі керек дегенді білдірмейді. Бұл жерде әйел адам өзінің дұрыс емес әрекет жасап жатқанын түсінуі керек. Мәселе адамды ұрып, көгерген із қалдыруда емес, оның артық кетіп бара жатқанын ақырын ескертуде", – дейді имам.

Имам Тимур Камаев әйелді ұруға исламда тыйым салынғанын айтты. Ұрып-соғу адам құқығын бұзатынын түсіндірді. Ал егер әйел адам күйеуінің ұрғанын кешірсе, бұл оған қайырлы болады. Имамның айтуынша, әйел үшін, жалпы, ұрып-соғу жағдайының ең жақсы шешімі – күйеуін кешіру. Имам тұрмыстық зорлық-зомбылық көріп жүрген әйелдерге күйеуі үнемі соққыға жыққан жағдайда ғана көмек сұрауға кеңес берді.

Имам түскен видео интернетте "тұрмыстық зорлық-зомбылық туралы нұсқаулар" деген тақырыппен тарады. "Татар-информ" агенттігі оны алдымен өшіріп, кейін қайта жариялады. Желі қолданушылары Камаевтың сөзін "зорлық-зомбылыққа шақыру" деп санайтынын жеткізді.

16 шілде күні таңертең "Татар-информ" агенттігі Камаевтың сөздерін контекстен алып тастады. Ал Татарстан Мұсылмандары Діни Басқармасы (ҚМДБ) бейнеподкасттың толық нұсқасымен танысуды ұсынды. Олардың айтуынша, подкастта "шабуылға жол берілмейтіні, біреуді ұрып-соғу және оған физикалық, моральдық зиян келтіру Исламда күнә саналатыны туралы" айтылған.

Талқылау