Экология министрі Арал теңізінің құрғаған бөлігінде оазис құруды жоспарлап отыр
Еліміздің экология және табиғи ресурстар министрі Ерлан Нысанбаев алдағы екі жылда Арал теңізінің аумағын көгалдандырмақ. Бұл туралы Stan.kz ақпарат агенттігі хабарлайды.
Фото: suntravel.uz
Министр Аралдың құрғаған бөлігінде алдағы екі жылда миллионнан астам көшет отырғызып, көгалдандыруды жоспарлап отыр.
Ведомствода Аралды көгалдандырудың екі әдісі қарастырылды. Бірі – тұқым егу, екіншісі – көшет отырғызу. Алайда Ерлан Нысанбаевтың айтуынша, көшет отырғызу әлдеқайда тиімді.
“Теңіздің құрғауынан пайда болған тұзды шаң-тозаң бүкіл облыстың ауыл шаруашылығына кері әсерін тигізетіні белгілі. Сондықтан түбін өсімдіктермен жабу маңызды. Бұл тұздың таралуын азайтады”, – деді министр.
Бұған дейін министр Ерлан Нысанбаев қоқысты бөлек жинауға көп шығын кететінін айтқан еді.
"TikTok арқылы жарын жолықтырып, заңгерден әншілікке өткен": Желіде танымал болған қазақстандықтар қалай жетістікке жеткенін айтып берді
Рамазан айы басталып, Ұлттық қордан балаларға ақша түседі: Ақпаннан бастап Қазақстанда қандай өзгерістер болады?
Отбасы банк тұрғын үй кезегінде тұрған азаматтарға қатысты талаптарды жұмсартты