Екібастұз көшесінде құбыр жарылып, ыстық судан "субұрқақ" пайда болды
Екібастұзда магистральдық және блокішілік жылу желілеріне гидравликалық сынақтар жүргізілген кезде субұрқақтан ыстық су атқылаған. Бұл туралы Stan.kz ақпарат агенттігі Zakon.kz сайтына сілтеме жасап хабарлайды.
Видеодан скриншот
27 мамырда Екібастұздағы жылу желілерінің беріктігі мен тығыздығы тексерілді. Сол кезде қауырт жағдай болып, көшелердің бірінде субұрқақ атқылаған.
Оқиға куәгерлері видеоны түсіріп, желіге жариялады.
"Екібастұз жылу желілері" кәсіпорны жағдайға түсініктеме берді.
"Іске қосу кезінде 426 диаметрлі жылу желісінің зақымданғаны анықталды. Қазір залал шешіліп, судың ағуы тоқтады. Қалпына келтіру жұмыстары жүргізіліп жатыр”, – деп мәлімдеді "Екібастұз жылу желілері" кәсіпорнының директоры Евгений Банченко.
Еске салайық, бұған дейін Екібастұзда коммуналдық желілердің 90%-дан астамы тозып тұрғаны туралы жазған едік. Қалада құбыр жарылып, төтенше жағдай жарияланды.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды