Екібастұз қаласында электр жылытқыш кесірінен ерлі-зайыптылар тоқ соғып көз жұмды
Екібастұз қаласындағы жеке үйлердің бірінде батареядан су аққан. Салдарынан су жылытқыштың сымына тиіп, ерлі-зайыптыларды тоқ соққан деп хабарлайды Stan.kz ақпарат агенттігі.
Полиция департаменті үйді су басу туралы ақпараттың 13 ақпанда келіп түскенін мәлімдеді.
"Тексеріс кезінде жеке үйден 1959 жылы туған ер адам мен 1965 жылы туған әйелдің зорлық іздері жоқ мәйіттері табылды", – деді полиция департаментінің өкілдері.
Мамандардың пайымдауынша бөлмелердің бірінің еденінде электр жылытқыш болған. Алдына ала мәлімет бойынша үй илерінің өліміне тоқ соғу себеп болуы мүмкін.
Қазір полиция бұл дерек бойынша тексеріс жүргізіп жатыр. Қосымша сараптама тағайындалды.
Еске салайық, бұған дейін Екібастұз тұрғындары пәтерлерге қосылмағанын айтып шағымданған еді. Кей пәтерлерде жылу 10 градусқа да жетпейді. Сондықтан күндіз-түні жылытқышты қосуға мәжбүр.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген