Дзюдошыларымыз әлем чемпионатындағы командалық сында да алғашқы айналымда жеңілді
Қазақстан құрамасы Әбу-Дабиде өтіп жатқан дзюдодан әлем чемпионатының командалық сайысында да жеңіліп қалды. Бұл туралы Stan.kz ақпарат агенттігі хабарлайды.
Әбу-Дабидегі дзюдодан әлем чемпионатында аралас командалық сын бойынша жарыста Қазақстан құрамасы алғашқы айналымнан аса алмады. Командалық сынның бірінші айналымда дзюдошыларымыз Германиямен кездесіп, 2:4 есебімен жеңіліп қалды. Біздің команда сапынан аса ауыр салмақтағы Камила Берліқаш пен Ерасыл Қажыбаев қана қарсыластарын жеңсе, Екатерина Токарева, Айдар Арапов, Бақыт Құсақбаева мен Дархан Қойбаған ұтылып қалды.
Айта кетейік, Қазақстан құрамасы осылайша әлем чемпионатын сәтсіз аяқтады. Команда сапында Абиба Әбужақынова ғана қола жүлдегер атанса, Елдос Сметов 5-орын алды.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген