Депутат Қазақстан теміржолын жарнамалау үшін Иманбекті пайдалануды ұсынды

Мәжілісте қазақстандық диджей Иманбектің танымалдылығын елдің транзиттік әлеуеті мен теміржолдарын жарнамалау үшін пайдалану ұсынылды. Бұл туралы Stan.kz ақпарат агенттігі хабарлайды. 

Бұл идеяны мәжіліс депутаты Олжас Күспеков көтерді. Оның пікірінше, Қазақстан әзірге экономикалық мүмкіндіктерін белгілі тұлғалар арқылы жеткілікті деңгейде ілгерілетіп отырған жоқ.

Мәжілісмен Иманбектің өзі теміржол саласымен байланысты болғанын, бұрын осы салада жұмыс істегенін еске салды. Күспековтің айтуынша, музыкант әлемге тек туризмді ғана емес, Қазақстанның транзиттік мүмкіндіктерін де таныстыра алар еді.

"Бізде теміржолдан шыққан Иманбек бар. Біз ел арқылы транзиттік жүк тасымалын жылына 50-55 миллион тоннаға дейін арттыру керек деп айтып жүрміз. Сол Иманбек, мүмкін, біздің теміржолдың өткізу қабілетін және еліміздің транзиттік әлеуеті қандай жағдайлармен қамтамасыз етілгенін жарнамалауы керек еді", – деді Күспеков.

Оқыңыз

Депутаттар "Сергек" камераларын агрессивті мінез-құлықты анықтауға үйретуді ұсынды Оқыңыз

 Депутат Қазақстандағы танымал адамдардың атағын тек туризмді емес, елдің экономикалық мүмкіндіктерін ілгерілету үшін де тиімдірек пайдалану қажет екенін айтты. Оның сөзінше, Иманбек сияқты жұлдыздар елдің транзиттік әлеуеті мен теміржол инфрақұрылымының мүмкіндіктерін әлемге таныстыра алар еді.

Ол транзиттік тасымалдар мен өндірістен түсетін табыстың өсуі бюджетке қосымша кіріс әкелетінін, содан кейін мемлекет креативті индустрияны белсендірек қолдап, салықтық жеңілдіктер бере алатынын да атап өтті.