Депутат Дәулет Мұқаев “Жас отбасы" бағдарламасының бастапқы жарнасын азайтуды ұсынды
Мәжілістің жалпы отырысында депутат Дәулет Мұқаев "Жас отбасы" бағдарламасының бастапқы жарнасын 10 пайыздан асырмауды ұсынды деп хабарлайды Stan.kz ақпарат агенттігі.
“Әділет министрлігінің Тіркеу қызметі және заң қызметін ұйымдастыру департаментінің мәліметі бойынша 2022 жылы 129 707 жұп некеге тұрса, 51 220 жұп ажырасқан. Бұл дегеніміз үйленген жастардың 40%-ға жуығы (әрбір үшінші жұп) ажырасады деген сөз. Ажырасудың басты себебі материалдық қажеттілік екенін ескерсек, баспана бірінші орында”, – деді Дәулет Мұқаев.
Оның сөзінше, жас отбасыларды баспанамен қамтамасыз ету біршама мәселелердің алдын алары сөзсіз.
“Мемлекеттік деңгейде "Жас отбасы" бағдарламасын бастапқы жарнасы 10 пайыздан асырмауды ұсынамын. Бүгінгі таңда Отбасы банкі тарапынан жүзеге асып жатқан "Жас отбасы" бағдарламасында бастапқы жарна 50%-ды құрайды. Мұндай қаражат жинау жастарға қиындық тудыртады”, – деді депутат.
Талқылау
"5 балам бар": Алматыда хостелдегі 13 адамның өліміне қатысты сотта айыпталушы бас бостандығынан айырмауды сұрады
Адвокаттар бұл істе барлық кінәлі сотқа тартылмағанын айтты
“Үйде отыратын әкелерден шошимын”: Шоу-бизнес өкілдері декретке шығып, бала қарау жөнінде ойларын айтты
Alem: "Жұмыста жүретін әке болғым келмейді"