Давид Дегтяров үш дүркін әлем чемпионы атағына қол жеткізді
11-18 қазан аралығында Мысыр астанасы Каир қаласында өтіп жатқан пара пауэрлифтингтен әлем чемпионатында қазақстандық спортшылар керемет нәтиже көрсетуде. Бұл туралы Stan.kz ақпараттық агенттігі хабарлайды.
Байрақты бәсекеде 54 келі салмақта ел намысын қорғаған Давид Дегтярев үш мүмкіндігінде жалпы 567 келіні сәтті еңсеріп, алтын медаль жеңіп алды. Бұған қоса ол үшінші талпынысында 191 келіні бағындырып, Азия рекордын жаңартты. Осылайша, Дегтярев үш дүркін әлем чемпионы атағына қол жеткізді.
Қазақстандық спортшылардың жеңісті жолын қыздар да жалғастырды. 50 келі салмақта сынға түскен Фариза Толжан 285 келіні, ал 73 келіде бақ сынаған Раушан Қойшыбаева 330 келіні бағындырып, екеуі де әлем чемпионы атанды.
Сонымен қатар, 88 келі салмақта Рахметжан Хамаев үш мүмкіндігін де ұтымды пайдаланып, күміс жүлдеге ие болды.
Айта кетейік, Каирдегі дүбірлі додаға 70 елден 500 спортшы жүлделер жиынтығын сарапқа салуда.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды