Дания чемпионатына ауысқан Рамазан Оразов алғашқы ресми матчында негізгі құрамда шықты
Жақында ғана Дания чемпионатына ауысқан Қазақстан құрамасының жартылай қорғаушысы Рамазан Оразов алғашқы ресми матчында негізгі құрамда шықты. Бұл туралы Stan.kz ақпарат агенттігі хабарлайды.
Фото: Силькеборг ФК
Дания суперлигасында өнер көрсететін алғашқы қазақстандық футболшы саналатын Оразов "Силькеборг" сапында алғашқы матчын өткізіп, негізгі құрамда алаңға шықты. Оразовтың командасы жаңа маусымдағы алғашқы матчын "Сеннерйюск" клубына қарсы өткізіп, 1:0 есебімен жеңіске жетті. Отандасымыз матчтың 59-минутына дейін негізгі құрамда ойнап, одан кейін басқа ойыншы отандасымызды алмастырды.
Айта кетейік, Оразовтың Дания кубогінің жеңімпазы "Силькеборг" клубына ауысатыны туралы 13 маусым күні жариялады. Бұған дейін отандасымыз словениялық "Копер", ресейлік "Чайка" және латвиялық "Даугавпилс" клубтарында ойнаған. "Силькеборг" – Оразов өнер көрсетіп жатқан төртінші шетелдік клуб.
Талқылау
"Жастар практикасы" арқылы жұмыс таптым": Қазақстандық колледж түлегі кілем фабрикасында еңбек жолын қалай бастағанын айтып берді
Бағдарламаға қатысушылардың басым бөлігі қыздар екен
Халық елде жұмыс, үкімет 500 мыңға жұмыс істейтін адам жоқ дейді. Елде жоғары айлықты кімдер алады?
Жастар кеңседе отырғысы келеді, қол жұмысынан қашады