Дағыстан мүфтияты никаб киюге тыйым салды

Дағыстан мүфтияты республикада никаб киюге уақытша тыйым салынғанын мәлімдеді. Бұл туралы Stan.kz ақпарат агенттігі Holod media сайтына сілтеме жасап хабарлайды. 

Фото: rupor.md

Дағыстан мүфтиінің орынбасары Абдулла Сәлімов "кеше БАҚ-та пәтуа бөлімінің қорытындысын мүлдем дұрыс түсіндірмегенін" айтты. 

"Мүфти Ұлттық саясат және дін істері министрлігінің қазіргі қауіп туралы хабарлаған үндеуіне сілтеме жасай отырып, никаб киюге уақытша тыйым салу туралы хабарлайды", – деді Сәлімов.

Тыйым "анықталған қауіптер жойылғанға немесе жаңа теологиялық қорытынды шыққанға дейін" күшінде болады.

• Арасында шенеуніктің туыстары бар: Дағыстанда теракт жасағандар туралы деректер пайда болды

• "Келесі жылы енгізілуі мүмкін": Министр Балаева паранджа мен никаб киюге қатысты тыйымға тоқталды

Бір күн бұрын мүфтияттың телеграм-каналында пәтуа бөлімі шариғат мәтіндерін зерттегеннен кейін никабқа жалпы тыйым салуға жеткілікті негіз таппағанын хабарлаған еді. Сонымен қатар ол тыйымды "қауіпсіздік мақсатында белгілі бір жағдайларда" енгізуге болатынын атап өтті.

Бір күн бұрын республика мұсылмандарының рухани жетекшісі Ахмад-Афанди Абдулаев Дағыстанда никаб киюге тыйым салудың жақын арада енгізілетінін хабарлады.

"Бүгін кешке немесе ертең, осы күндердің бірінде никабқа толығымен пәтуа бойынша, яғни шариғат шешімі бойынша тыйым салынады", – деді ол.

Айта кетейік, бұған дейін 23 маусым күні кешке Дағыстанда екі теракт жасалған еді. Содырлар бір уақытта Махачкала мен Дербентке шабуыл жасаған.