Чемпиондық атаққа талас: Жәнібек Әлімханұлы WBO белбеуіне үміткер атанды
Жәнібек Әлімханұлы орта салмақта Бүкіләлемдік бокс ұйымы (WBO) нұсқасы бойынша чемпион атағына үміткер атанды. Бұл туралы ұйымның ресми сайтында жарияланды, деп хабарлайды Stan.kz ақпарат агенттігі.
Қазір ұйымның чемпиондық белбеуі Деметриус Андрадеге тиесілі. WBO Андраденің командасын Жәнібек Әлімханұлымен кездесу өткізуге арналған келісімді 20 күн ішінде жасауға міндеттеді. Бұлай болмаған жағдайда 200 000 доллардан басталатын промоутерлік сауда-саттық басталады.
Айта кетейік, Әлімханұлының менеджері Эгис Климас WBO-ға ресми ұсыныс тастап, боксшыны чемиондық белбеуге ресми үміткер ретінде тағайындауды сұраған.
Деметриус Андраде бұған дейін Джейсон Куиглиді нокаутқа түсіріп, чемпиондық белбеуді қорғап қалған еді. Ал Әлімханұлы соңғы жекпе-жегінде Хассан Н'Дамм Н'Жикамды жеңген.
Қазіргі әлем чемпионы Деметриус Андраде кәсіби рингте 31 кездесу өткізіп, оның 19-ын нокаутпен аяқтаған. 33 жастағы боксшы мүлде жеңілмеген.
Намаз оқып, қызды салауатпен ұзатқан: Қазақстандықтар арасында тойдағы әрекет талқыға түсті (видео)
Жаңаөзендегі тойда дәстүрлі ән мен биге басымдық берілмеген
"Домбыра – харам, Наурызды тойлауға болмайды": Қоғамды дүрліктірген діни уағыздар және оған ҚМДБ не дейді
ҚМДБ өкілдері дінді насихаттауда шектен шықпауға шақырды